WhatsApp Privacy: જો વોટ્સએપ પર કોઈને તમારો નંબર ન દેખાય તો કેવું લાગશે ? આવી રહ્યું છે નવું અપડેટ
- GujaratOthers
- August 22, 2024
- No Comment
- 11
ફક્ત કલ્પના કરો કે તમે ફોન નંબર વિના WhatsAppનો ઉપયોગ કરી રહ્યાં છો. WhatsApp પર કોઈ અજાણી વ્યક્તિ તમારો ફોન નંબર જોઈ શકશે નહીં. ટૂંક સમયમાં આ બાબત વાસ્તવિકતામાં ફેરવાઈ શકે છે. વોટ્સએપનો ઉપયોગ કરવા માટે ફોન નંબર હોવો જરૂરી છે. પરંતુ ઘણી વખત આ મોબાઈલ નંબર અજાણ્યા લોકોના હાથમાં આવી જાય છે. જેના કારણે સાયબર ફ્રોડ અને SPAMના દરવાજા પણ ખુલે છે.
વોટ્સએપ એક નવું ફીચર લાવવા જઈ રહ્યું છે, જે ફોન નંબર વગર વોટ્સએપનો ઉપયોગ કરી શકશે. તમારી પરવાનગી વિના તમારો વ્યક્તિગત ફોન નંબર જાહેર કરવાથી બચાવવા માટે, Meta ની માલિકીનું સોશિયલ મીડિયા પ્લેટફોર્મ એક વિશેષ સુવિધા રજૂ કરવાની તૈયારી કરી રહ્યું છે. કંપની ફોન નંબરને બદલે યુઝરનેમ સાથે WhatsApp ચલાવવાનો પ્લાન રજૂ કરી શકે છે, જેથી લોકો ફોન નંબરની જગ્યાએ માત્ર યુઝરનેમ જોઈ શકે.
વોટ્સએપ ફીચર ટ્રેકિંગ પ્લેટફોર્મ WABetaInfo અનુસાર, ઇન્સ્ટન્ટ મેસેજિંગ એપ એક યુઝરનેમ ફીચર પર કામ કરી રહી છે, જે તમને તમારા WhatsApp એકાઉન્ટની વધારાની સુરક્ષા માટે એક યુનિક યુઝરનેમ પસંદ કરવા દેશે. રિપોર્ટમાં કહેવામાં આવ્યું છે કે આ ફીચર PIN સપોર્ટ સાથે પણ બહાર પાડી શકાય છે.
WhatsAppનું નવું ફીચર તમારી પ્રાઈવસીને મજબૂત કરશે. WhatsApp પર ફોન નંબરને બદલે યુઝરનેમ પસંદ કરવાથી તમારી ગોપનીયતા જાળવવામાં મદદ મળશે. મહત્વનું છે કે તમારા ફોનma SAVE રહેલા નંબર જ તમારો ફોન નંબર જોઈ શકશે, પરંતુ તમે કોઈ નવી વ્યક્તિ સાથે વાત કરવા માટે તમારા યુઝરનેમનો ઉપયોગ કરવાનું પસંદ કરી શકો છો.
WhatsApp યુઝરનેમ માટે વૈકલ્પિક PIN કોડ સુવિધા રજૂ કરી શકે છે, જેથી ગોપનીયતા વધુ વધારી શકાય. રિપોર્ટ અનુસાર, તમને ઓછામાં ઓછો ચાર-અંકનો પિન પસંદ કરવાનો વિકલ્પ આપવામાં આવી શકે છે. તમે તેને તમારા વિશ્વાસ ધરાવતા લોકો સાથે શેર કરી શકો છો, પરંતુ તેમાં તમારા દ્વિ-પરિબળ ચકાસણી કોડ જેવી સંવેદનશીલ માહિતી હોવી જોઈએ નહીં.
અન્ય લોકોએ WhatsApp પર પ્રથમ વખત તમારા યુઝરનેમનો ઉપયોગ કરી શકે તે પહેલાં તમારો PIN દાખલ કરવો પડશે. એકવાર સેટ થઈ ગયા પછી, યુઝર્સે તેમનો પિન એવા લોકો સાથે શેર કરવો પડશે જેની સાથે તેઓ વાત કરવા માગે છે. આ અનિચ્છનીય વોટ્સએપ મેસેજ પર કડકાઇ દાખવવામાં મદદ કરશે. એ ધ્યાનમાં રાખવું જરૂરી છે કે તમે જેની સાથે WhatsApp પર પહેલાથી જ વાત કરો છો તે લોકોને પિન દાખલ કરવાની જરૂર નથી. આ સુવિધા હાલમાં કામ હેઠળ છે, અને પરીક્ષણ પછી તમને રજૂ કરવામાં આવશે. જો કે વોટ્સએપે આ ફીચરની સત્તાવાર પુષ્ટિ કરી નથી.