Tips and Tricks : કપડાંમાંથી શાહી, ચા, કોફી અને શાકભાજીના ડાઘ દૂર કરો, અપનાવો આ ઘરેલું ઉપાય
- GujaratOthers
- September 17, 2024
- No Comment
- 9
ઘરે કામ કરતી વખતે અથવા કોઈપણ પ્રવૃત્તિ દરમિયાન, કપડાં પર ચા, કોફી, શાકભાજી વગેરેથી વારંવાર ડાઘ પડી જાય છે. ઘણી વખત ડિટર્જન્ટથી ડાઘ સાફ કરી શકાય છે, પરંતુ કેટલાક ડાઘા હઠીલા હોય છે અને તેના કારણે તમારો મનપસંદ શર્ટ, સાડી કે ટોપ બગડી જાય છે. કેટલાક કપડાં ખૂબ જ મોંઘા હોય છે અને જો તે ડાઘ પડી જાય તો તે પહેરી શકાતા નથી. જો તમારી પાસે પણ આવા કોઈ કપડાં છે જેના પર ચા, કોફી, શાકભાજી કે શાહીથી ડાઘ લાગેલા હોય તો મોંઘા ડિટર્જન્ટ કે સાબુની જગ્યાએ ઘરમાં રાખેલી કેટલીક વસ્તુઓનો ઉપયોગ કરવાની જરૂર છે.
ઘણી વખત લોકો કપડાં પરના ડાઘને કારણે શરમ અનુભવે છે અથવા મોંઘા અને મનપસંદ કપડાં પહેરી શકતા નથી. જો કે કપડા પરના ડાઘ માટે બજારમાં ઘણી બધી પ્રોડક્ટ્સ ઉપલબ્ધ છે, પરંતુ જો તમે આ ડાઘને સસ્તામાં દૂર કરવા માંગો છો, તો જાણી લો કઇ નેચરલ વસ્તુઓનો ઉપયોગ કરીને કપડાં પરના ડાઘ દૂર કરી શકાય છે.
શાકભાજીના ડાઘથી છુટકારો મેળવવા શું કરવું? : જો કોઈપણ કપડા પર શાકભાજીના ડાઘ હોય તો ડાઘ પર સફેદ વિનેગરના થોડા ટીપાં નાખો અને પછી ઉપર ખાવાનો સોડા લગાવો. તમે આ બંને વસ્તુઓની પેસ્ટ બનાવીને પણ લગાવી શકો છો. આ પછી કપડાંને થોડીવાર માટે છોડી દો અને તેને હળવા હાથે ઘસીને ડાઘ સાફ કરો અને તેને સામાન્ય તાપમાનના પાણીથી ધોઈ લો. શાકભાજીના ડાઘ દૂર કરવા માટે પણ લીંબુનો ઉપયોગ કરી શકાય છે.
શાહીના દાગથી મેળવો છુટકારો : ઘણીવાર પેન બાળકોના કપડાં પર અડી જતા લીટા થઈ જતા હોય છે. આવી સ્થિતિમાં તમારે એક સરળ ટ્રીક અજમાવવી પડશે. જો તમારા ઘરમાં પરફ્યુમ હોય તો જ્યાં પેન કપડા પર અડી ગઈ હોય ત્યાં બે થી ત્રણ વાર સ્પ્રે કરો અને તેને હળવા હાથે ઘસીને સાફ કરો. આ સિવાય શાહીના ડાઘ દૂર કરવા માટે હેન્ડ સેનિટાઈઝરનો ઉપયોગ કરી શકાય છે. જો શાહીનો ડાઘ હોય તો બેકિંગ સોડા (નોંધ લો કે સોડા પાવડર નથી) ને થોડા ઠંડા પાણીમાં મિક્સ કરીને પેસ્ટ બનાવો અને તેને કોટન બોલ પર લગાવો અને હળવા હાથે તેને દૂર કરો. શાહી ફેલાઈ ન જાય તેનું ધ્યાન રાખો.
ચા અથવા કોફીના ડાઘ કેવી રીતે દૂર કરવા : જો કોઈ કપડાં પર ચા કે કોફી ઢોળાઈ જાય તો તેને તરત જ સાફ કરવાનો પ્રયાસ કરો. આ સિવાય લીંબુ અને સફેદ વિનેગર મિક્સ કરીને ચા અને કોફીના ડાઘ સાફ કરો. જો કે તે તમારા કપડાં પર હઠીલા હોઈ શકે છે. તેથી પહેલા ચેક કરો કે કપડાંની ક્વોલિટી સારી હોય.