![Tata Motorsને પાછળ છોડી આ બની ભારતની બીજી સૌથી વેલ્યૂએબલ Auto Company, 1st નંબર પર કોણ છે?](https://topsecretnewspaper.com/wp-content/uploads/2024/06/197436-tata-motors673342-001071274144-576795299102-178-476003475-866713529800536484.jpg)
Tata Motorsને પાછળ છોડી આ બની ભારતની બીજી સૌથી વેલ્યૂએબલ Auto Company, 1st નંબર પર કોણ છે?
- GujaratOthers
- June 14, 2024
- No Comment
- 18
આ ઓટો કંપની દેશની બીજી સૌથી વેલ્યૂએબલ ઓટો કંપની બની ગઈ છે. તેણે ટાટા મોટર્સને પાછળ છોડીને આ સ્થાન મેળવ્યું છે. શુક્રવારે આ કંપનીનું માર્કેટ કેપ વધીને 3,63,980 કરોડ રૂપિયા થયું હતું.
તે જ સમયે, ટાટા મોટર્સનું માર્કેટ કેપ 3,30,204.07 કરોડ રૂપિયા પર બંધ થયું હતું. આ કંપનીનો શેર આજે 2.20 ટકાના વધારા સાથે 2927 રૂપિયા પર બંધ થયો હતો. આજે ટ્રેડિંગ દરમિયાન આ શેરે 2945 રૂપિયાની 52 સપ્તાહની હાઈ સપાટી બનાવી હતી.
આ કંપનીના શેરે છેલ્લા 12 મહિનામાં શાનદાર વળતર આપ્યું છે. આ સમયગાળા દરમિયાન તે 112 ટકા ચઢ્યો હતો. વર્ષ 2024માં અત્યાર સુધીમાં આ શેરે 72 ટકા વળતર આપ્યું છે.
આ રીતે, તેણે માત્ર ક્ષેત્રીય સૂચકાંકો કરતાં જ નહીં પરંતુ નિફ્ટી-50 કરતાં પણ સારું વળતર આપ્યું છે. છેલ્લા 1 વર્ષમાં નિફ્ટી ઓટો ઈન્ડેક્સમાં 75 ટકાથી વધુનો વધારો થયો છે. આ વર્ષે અત્યાર સુધીમાં તેણે 38 ટકા વળતર આપ્યું છે.
મહિન્દ્રા એન્ડ મહિન્દ્રા, જે સ્કોર્પિયો એન, બોલેરો અને થાર જેવા વાહનો બનાવે છે, તેણે માર્ચ 2024ના રોજ પૂરા થયેલા ચોથા ક્વાર્ટરમાં 2038 કરોડ રૂપિયાનો ચોખ્ખો નફો નોંધાવ્યો હતો.
આમ, ગયા વર્ષના સમાન ક્વાર્ટરમાં નોંધાયેલા 1549 કરોડ રૂપિયાના નફાની સરખામણીએ આ 32 ટકાનો ઉછાળો છે. આ સમયગાળા દરમિયાન કામગીરીની આવક 11 ટકા વધીને 25,109 કરોડ રૂપિયા થઈ છે. ગયા વર્ષે સમાન ક્વાર્ટરમાં તે 22,571 કરોડ રૂપિયા હતો.
દેશની સૌથી વેલ્યૂએબલ ઓટો કંપનીની વાત કરીએ તો તે છે મારુતિ સુઝુકી છે. શુક્રવારે BSE પર મારુતિ સુઝુકી ઇન્ડિયાનું માર્કેટ કેપિટલાઇઝેશન 4,03,240.17 કરોડ રૂપિયા પર બંધ થયું હતું. આ ઉપરાંત, મારુતિ સુઝુકીનો શેર 0.12 ટકા અથવા 15.70 રૂપિયાના ઘટાડા સાથે 12,825 રૂપિયા પર બંધ થયો હતો.