T20 વર્લ્ડ કપની ‘ટીમ ઓફ ધ ટુર્નામેન્ટ’માં ભારતીય ખેલાડીઓનું વર્ચસ્વ, ગુજરાતના આ ત્રણ ખેલાડીઓને મળ્યું સ્થાન
- GujaratOthers
- July 1, 2024
- No Comment
- 3
T20 વર્લ્ડ કપ 2024ની સમાપ્તિ બાદ હવે ઈન્ટરનેશનલ ક્રિકેટ કાઉન્સિલે (ICC) ‘ટીમ ઓફ ધ ટુર્નામેન્ટ’ ની જાહેરાત કરી છે. જેમાં 11 ખેલાડીઓ અને એક 12મા ખેલાડીની પસંદગી કરવામાં આવી છે.
ICC ‘ટીમ ઓફ ધ ટુર્નામેન્ટ’ની ખાસ વાત એ છે કે, આ ટીમના કુલ 12 ખેલાડીઓમાંથી 6 ખેલાડીઓ વર્લ્ડ ચેમ્પિયન ટીમ એટલે કે ભારતીય ટીમના છે.
આ ટીમના કેપ્ટન તરીકે T20 વર્લ્ડ કપ 2024ની ચેમ્પિયન ટીમના સુકાની રોહિત શર્માને જ પસંદ કરવામાં આવ્યો છે. રોહિત શર્મા સિવાય સૂર્યકુમાર યાદવ, હાર્દિક પંડયા, અક્ષર પટેલ, જસપ્રીત બુમરાહ અને અર્શદીપ સિંહનો ‘ટીમ ઓફ ધ ટુર્નામેન્ટ’માં સમાવેશ કરવામાં આવ્યો છે.
વિશ્વ કપની વર્લ્ડની બેસ્ટ T20 ટીમના છ ભારતીય ખેલાડીઓમાં ત્રણ પ્લેયર્સ ગુજરાતના છે. ઓલરાઉન્ડર હાર્દિક પંડયા અને અક્ષર પટેલ સિવાય ફાસ્ટ બોલર જસપ્રીત બુમરાહ આ બેસ્ટ ટીમમાં સામેલ છે.
ICCએ પોતાની ટીમમાં 6 ભારતીય ખેલાડીઓ સિવાય અફઘાનિસ્તાનના ત્રણ, ઓસ્ટ્રેલિયા અને વેસ્ટ ઈન્ડિઝના એક-એક ખેલાડી સામેલ છે. 12મા ખેલાડી તરીક આફ્રિકાના ફાસ્ટ બોલરને ટીમમાં સ્થાન મળ્યું છે.
ICC T20 વર્લ્ડ કપ 2024 ‘ટીમ ઓફ ધ ટુર્નામેન્ટ’ : રહેમાનુલ્લા ગુરબાઝ (અફઘાનિસ્તાન), રોહિત શર્મા (ભારત), નિકોલસ પૂરન (વેસ્ટ ઈન્ડિઝ), માર્કસ સ્ટોઈનિસ (ઓસ્ટ્રેલિયા), સૂર્યકુમાર યાદવ (ભારત), હાર્દિક પંડ્યા (ભારત), અક્ષર પટેલ. (ભારત), જસપ્રીત બુમરાહ (ભારત), અર્શદીપ સિંહ (ભારત), રાશિદ ખાન (અફઘાનિસ્તાન) અને ફઝલહક ફારૂકી (અફઘાનિસ્તાન).