Paris 2024 Olympics : ઓલિમ્પિક માટે ભારતીય હોકી ટીમ જાહેર, હરમનપ્રીત સિંહ કેપ્ટન, 5 ખેલાડીઓ કરશે ડેબ્યૂ

ટોક્યો ઓલિમ્પિકમાં બ્રોન્ઝ મેડલ જીતનારી ભારતીય હોકી ટીમ હવે પેરિસ ઓલિમ્પિકમાં પ્રભુત્વ જમાવવા માટે તૈયાર છે. હોકી ઈન્ડિયાએ પેરિસ ઓલિમ્પિક માટે ભારતીય હોકી ટીમની જાહેરાત કરી છે, જેનું નેતૃત્વ હરમનપ્રીત સિંહ કરશે જ્યારે હાર્દિક સિંહ ઉપ-કેપ્ટન હશે. ભારતીય હોકી ટીમમાં છેલ્લી ઓલિમ્પિકમાં રમી ચૂકેલા કેટલાક વરિષ્ઠ ખેલાડીઓની સાથે પાંચ એવા ખેલાડીઓ પણ છે જેઓ ઓલિમ્પિકમાં ડેબ્યૂ કરશે. ભારતીય ખેલાડીઓ હાલમાં બેંગલુરુમાં SAI સેન્ટર ખાતે રાષ્ટ્રીય શિબિરમાં ઓલિમ્પિકની તૈયારીમાં વ્યસ્ત છે.

ભારતીય હોકી ટીમની જાહેરાત

ટોક્યો ઓલિમ્પિક 2020માં બ્રોન્ઝ મેડલ જીતનારી ભારતીય ટીમને ડિફેન્ડિંગ ચેમ્પિયન બેલ્જિયમ, ઓસ્ટ્રેલિયા, આર્જેન્ટિના, ન્યુઝીલેન્ડ અને આયર્લેન્ડની સાથે પૂલ બીમાં રાખવામાં આવી છે. પૂલ પોઈન્ટ ટેબલમાં ટોચની ચાર ટીમો ક્વાર્ટર ફાઇનલમાં પહોંચશે. આ વખતે ભારતે તેના મેડલનો રંગ બદલવા માટે ગત વખત કરતા વધુ મજબૂત રમત બતાવવી પડશે. અનુભવી અને યુવા ખેલાડીઓથી સજ્જ આ ટીમમાં આ સિદ્ધિ હાંસલ કરવાની શક્તિ છે.

શ્રીજેશ અને મનપ્રીત સિંહની ચોથી ઓલિમ્પિક

તમને જણાવી દઈએ કે અનુભવી ગોલકીપર પીઆર શ્રીજેશ અને મિડફિલ્ડર મનપ્રીત સિંહ ચોથી વખત ઓલિમ્પિકમાં ભાગ લેશે, જ્યારે કેપ્ટન હરમનપ્રીત સિંહ, સંજય, રાજ કુમાર પાલ, અભિષેક અને સુખજીત સિંહ માટે આ ત્રીજી ઓલિમ્પિક હશે. મોટા સમાચાર એ છે કે ગત ઓલિમ્પિકમાં ટીમનો હિસ્સો રહેલા નીલકાંત શર્માને અવેજી ખેલાડીઓમાં રાખવામાં આવ્યો છે. દિલપ્રીત સિંહને ટીમમાં જ તક મળી નથી. ગોલકીપર કૃષ્ણા પાઠક સતત બીજી ઓલિમ્પિક માટે ઓપ્શનલ ખેલાડી હશે.

! The Indian Hockey team has announced a 1️⃣6️⃣-member men’s squad led by Harmanpreet Singh for the upcoming Paris Olympics.

There will be five new faces in the squad & PR Sreejesh will be the only goalkeeper in the squad.

Back-ups:
Nilakanta… pic.twitter.com/NZ3wOYO6bn

— India at Paris 2024 Olympics (@sportwalkmedia) June 26, 2024

યુવા અને સિનિયર ખેલાડીઓનું કોમ્બિનેશન

ટીમ ઈન્ડિયાના ડિફેન્સમાં હરમનપ્રીત સિંહ, જર્મનપ્રીત, અમિત રોહિદાસ, સુમિત અને સંજય હશે. જ્યારે મિડફિલ્ડમાં પાલ, શમશેર સિંહ, મનપ્રીત સિંહ, હાર્દિક સિંહ અને વિવેક સાગર પ્રસાદનો સમાવેશ થાય છે. ફોરવર્ડ્સમાં અભિષેક, સુખજીત, લલિત કુમાર ઉપાધ્યાય, મનદીપ સિંહ અને ગુરજંત સિંહનો સમાવેશ થાય છે. પાઠક અને નીલકાંત સિવાય ડિફેન્ડર જુગરાજ સિંહ ભારતનો ત્રીજો વિકલ્પ ખેલાડી છે.

આ પણ વાંચો: સેમીફાઈનલ પહેલા ટીમ ઈન્ડિયાના સ્ટાર બેટ્સમેન સૂર્યકુમાર યાદવ માટે આવ્યા ખરાબ સમાચાર