iPhone Tips: જૂનામાં iPhone ખરીદવા જઈ રહ્યા છો તો આટલું પહેલા જ જોઈ લેજો, નહીં તો ખર્ચો માથે પડશે
- GujaratOthers
- August 31, 2024
- No Comment
- 4
ભારતમાં Apple iPhone માટે ઘણો ક્રેઝ છે. લોકપ્રિય ટેક કંપની એપલ દર વર્ષે નવો આઈફોન લોન્ચ કરે છે. આઇફોનની શ્રેષ્ઠ ટેક્નોલોજી અને એડવાન્સ સોફ્ટવેર સહિતની ઘણી શક્તિશાળી સુવિધાઓ લોકોને આકર્ષે છે. ભારતમાં iPhoneની કિંમત ઘણી વધારે છે, પરંતુ તેમ છતાં ઘણા લોકો iPhone ખરીદવાનું પસંદ કરે છે. જો તમે iPhone ખરીદવા માંગો છો અને તમારું બજેટ ઓછું છે, તો તમે સેકન્ડહેન્ડ iPhone પસંદ કરી શકો છો. જો કે જૂનો iPhone ખરીદતા પહેલા તમારે કેટલીક બાબતોનું ધ્યાન રાખવું જરૂરી છે.
બેટરીની કંડીશન : જો તમને આઇફોન ગમે છે અને જૂનામાં આઇફોન લેવા જઈ રહ્યા છો તો તેને ખરીદતા પહેલા બેટરી ચેક કરવી ખૂબ જ જરૂરી છે. ઘણીવાર એવું બને છે કે જૂનો આઈફોન ખરીદતી વખતે લોકો બેટરી પર વધારે ધ્યાન નથી આપતા, પણ આઈફોનનો લુક જોઈને ખરીદે છે. પરંતુ બાદમાં iPhoneની બેટરી ખૂબ જ ઝડપથી ખતમ થઈ જાય છે, પછી લોકોને મુશ્કેલીનો સામનો કરવો પડે છે.
IMEI નંબર : જૂનો iPhone ખરીદતા પહેલા તેનો IMEI નંબર ચેક કરી લેવો જોઈએ. તમે Appleની ઓફિશિયલ વેબસાઈટ પર જઈને IMEI નંબર ચેક કરી શકો છો, જો સીરીયલ નંબર અલગ હોય તો તમારે iPhone ન ખરીદવો જોઈએ.
ફોન કામગીરી :ઘણા લોકો, જૂનો iPhone ખરીદતી વખતે, ફક્ત કેમેરા અથવા બેટરી વિશે જ પૂછે છે અને ફોનની આંતરિક સ્થિતિ વિશે કોઈ પ્રશ્ન પૂછતા નથી. જૂનો ફોન ખરીદતા પહેલા તેનું પરફોર્મન્સ ચેક કરો.
સ્ક્રીન અને બેટરી ઓરિજિનલ છે કે નહીં? : ઘણી વખત લોકો iPhoneની સ્ક્રીન અને બેટરી બદલી નાખે છે. આવી સ્થિતિમાં, જૂનો iPhone ખરીદતા પહેલા, ફોનની સ્ક્રીન અને બેટરી ઓરિજિનલ છે કે બદલવામાં આવી છે તેની માહિતી મેળવો. જો સ્ક્રીન અને બેટરી બદલવામાં આવી હોય, તો શું તે મૂળ છે કે સ્થાનિક?
એક્સેસરીઝ અને લુક પર ધ્યાન : છેલ્લે iPhone સાથે આવતી તમામ એક્સેસરીઝ માટે પૂછો. જૂના iPhone વેચતી વખતે ઘણા લોકો તેની એક્સેસરીઝ આપતા નથી, તેથી આને ધ્યાનમાં રાખો. ઉપરાંત, કોઈપણ જગ્યાએથી કોઈ સ્ક્રેચ અથવા સ્કફ્સ છે કે કેમ તે જોવા માટે એક વખત iPhoneને સંપૂર્ણપણે તપાસો.