IND vs BAN: આ બોલરે વિરાટના બેટથી ફટકારી 2 શાનદાર સિક્સર, કોહલી-રોહિત-ગંભીર ચોંકી ગયા, જુઓ Video

કાનપુર ટેસ્ટના ચોથા દિવસે ટીમ ઈન્ડિયાએ શાનદાર પ્રદર્શન કર્યું. બાંગ્લાદેશના 233 રનના જવાબમાં ટીમ ઈન્ડિયાએ 285 રન પર પ્રથમ દાવ ડિકલેર કર્યો હતો. આશ્ચર્યજનક વાત એ છે કે ટીમ ઈન્ડિયા માત્ર 34.4 ઓવર જ રમી હતી. રોહિત શર્મા, યશસ્વી જયસ્વાલથી લઈને કેએલ રાહુલ, વિરાટ કોહલી, શુભમન ગિલે ટીમ ઈન્ડિયા માટે તોફાની બેટિંગ કરી. જો કે, તેની બેટિંગ સિવાય ફાસ્ટ બોલર આકાશ દીપની બેટિંગે પણ ક્રિઝ પર આવતાની સાથે જ પહેલા ત્રણ બોલમાં 2 સિક્સ પણ ફટકારી હતી અને આશ્ચર્યજનક વાત એ છે કે તેણે આ કમાલ વિરાટ કોહલીની બેટથી કર્યો.

આકાશ દીપે વિરાટના બેટથી કર્યો કમાલ

હાલમાં જ વિરાટ કોહલીએ વિરાટ કોહલીનું બેટ આકાશ દીપને ગિફ્ટ કર્યું હતું. કાનપુર ટેસ્ટમાં આકાશ દીપને વિરાટનું બેટ ભેટમાં મળ્યું અને આ ખેલાડીએ કઈંક અદ્ભુત કર્યું. આકાશ દીપે શાકિબ અલ હસનના બે બોલ પર સતત બે સિક્સર ફટકારી હતી. આકાશ દીપની આ હિટ જોઈને વિરાટ કોહલીની ખુશીનો પાર ન રહ્યો. તે પેવેલિયનમાં આ સીન એન્જોય કરતો જોવા મળ્યો હતો. રોહિત શર્મા અને ગૌતમ ગંભીર આ બંને શોટ્સના રિપ્લે વારંવાર જોતા જોવા મળ્યા હતા.

#RohitSharma and #ViratKohli‘s reaction after #AkashDeep hit #ShakibAlHasan for consecutive sixes. #INDvBAN #2ndTest #Kanpur pic.twitter.com/q98yy74Kdw

— Tejan Shrivastava (@BeingTeJan) September 30, 2024

ટીમ ઈન્ડિયાની આક્રમક બેટિંગ

કાનપુર ટેસ્ટમાં ત્રણ દિવસની રમત વરસાદને કારણે પ્રભાવિત થઈ હતી પરંતુ ચોથા દિવસે ભારતીય ટીમના બોલરોએ પહેલા બાંગ્લાદેશને 233 રન પર રોકી દીધું અને ત્યારબાદ ટીમ ઈન્ડિયાએ T20 ક્રિકેટની શૈલીમાં બેટિંગ કરી. કેપ્ટન રોહિત શર્માએ તેના પ્રથમ બે બોલ પર બે છગ્ગા ફટકારીને મેચની રણનીતિ નક્કી કરી અને યશસ્વી જયસ્વાલે તેને આગળ લઈ લીધો. રોહિતે 23 બોલમાં 23 રન બનાવ્યા હતા જ્યારે જયસ્વાલે 51 બોલમાં 72 રનની ઈનિંગ રમી હતી. શુભમન ગિલે 39 રન બનાવ્યા હતા. વિરાટ કોહલીએ 47 રન અને રાહુલે 68 રનનું યોગદાન આપ્યું હતું. આ તમામ બેટ્સમેનોની સ્ટ્રાઈક રેટ 100થી વધુ હતી.

સૌથી ઝડપી રન બનાવ્યા

તમે ટીમ ઈન્ડિયાની કમાલ જુઓ, આ ઈનિંગમાં રોહિત એન્ડ કંપનીએ ટેસ્ટમાં સૌથી ઝડપી 50, સૌથી ઝડપી 100, સૌથી ઝડપી 150, સૌથી ઝડપી 200 અને સૌથી ઝડપી 250 રન બનાવવાની સિદ્ધિ હાંસલ કરી હતી.

આ પણ વાંચો: IND vs BAN: નસીબ હોય તો વિરાટ કોહલી જેવું, બોલર 1 ફૂટ દૂરથી પણ રનઆઉટ ન કરી શક્યો, જુઓ Video

ક્રિકેટ સહિત રમતગમતના દરેક સમાચાર વાંચવા અહીં ક્લિક કરો