Hyundai Motors લાવશે સૌથી મોટો IPO, તોડશે LICનો રેકોર્ડ
- GujaratOthers
- June 15, 2024
- No Comment
- 14
દક્ષિણ કોરિયાની કંપની હ્યુન્ડાઈ મોટર IPO હેઠળ તેના ભારતીય યુનિટમાં 17.5 ટકા સુધીનો હિસ્સો વેચવા પર વિચાર કરી રહી છે. શનિવારે દેશના માર્કેટ રેગ્યુલેટર પાસે ફાઈલ કરવામાં આવેલા ડ્રાફ્ટ પેપરમાં જાણવા મળ્યું છે કે આ ભારતનો અત્યાર સુધીનો સૌથી મોટો IPO હોઈ શકે છે. સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા (સેબી) સાથેની ફાઇલિંગ અનુસાર હ્યુન્ડાઈ મોટર આઈપીઓમાં વેચાણ માટે કુલ 812 મિલિયન શેરમાંથી 142 મિલિયન શેર લાવશે.
એવા સમાચાર છે કે Hyundai Motorના IPOનું કદ 25 હજાર કરોડ રૂપિયા હોઈ શકે છે. મતલબ કે આ IPO દેશનો સૌથી મોટો IPO હશે. આ પહેલા LIC દેશનો સૌથી મોટો IPO લાવી હતી. જેનું કદ 21 હજાર કરોડ રૂપિયા હતું. ખાસ વાત એ છે કે Hyundai IPO હેઠળ નવા શેર નથી લાવી રહી. આ IPO સંપૂર્ણપણે OFS આધારિત હશે. કંપની તેના હિસ્સાનો એક ભાગ રિટેલ રોકાણકારો માટે અને બાકીનો હિસ્સો અન્ય રોકાણકારો માટે રાખશે.
ખાસ વાત એ છે કે દેશમાં લગભગ 20 વર્ષ બાદ શેરબજારમાં કોઈ ઓટો કંપનીનો આઈપીઓ આવી રહ્યો છે. અગાઉ શેરબજારમાં મારુતિ સુઝુકીનો આઈપીઓ આવ્યો હતો. મારુતિ સુઝુકીનો આઈપીઓ વર્ષ 2023માં આવ્યો હતો. બીજી બાજુ, આ સપ્તાહની શરૂઆતમાં, ઇલેક્ટ્રિક ટુ-વ્હીલર કંપની ઓલા ઈલેક્ટ્રીકને આઈપીઓ લોન્ચ કરવા માટે મૂડી બજારના નિયમનકાર સેબી પાસેથી મંજૂરી મળી છે.
ઉદ્યોગ નિષ્ણાતોનું કહેવું છે કે HMIL ભારતમાં તેની કેપેક્સ યોજનાને પૂર્ણ કરવા માટે આ ભંડોળનો ઉપયોગ કરશે, જે આગામી 10 વર્ષમાં આશરે રૂપિયા 32,000 કરોડનો અંદાજ છે. કેપિટાલાઇનના ડેટા અનુસાર દક્ષિણ કોરિયન કાર કંપનીની ભારતીય શાખા પાસે લગભગ રૂપિયા 17,741 કરોડ રોકડ હતા અને તેણે નાણાકીય વર્ષ 23માં આશરે રૂપિયા 59,761 કરોડની આવક પર રૂપિયા 4,654 કરોડનો કર પછીનો નફો (PAT) હાંસલ કર્યો હતો. FY21 (રૂપિયા 1,847 કરોડ) માં રોગચાળાના વર્ષ દરમિયાન ઘટાડો થયો હોવા છતાં કંપનીનો PAT FY2018 માં રૂપિયા 2,124 કરોડથી પાંચ વર્ષમાં બમણો થયો.
કંપની 32 હજાર કરોડ રૂપિયા કેવી રીતે ખર્ચશે? – HMIL ની રોકાણ યોજનાઓમાં તાલેગાંવમાં જનરલ મોટર્સ પાસેથી નવા હસ્તગત કરાયેલા પ્લાન્ટ માટે રૂપિયા 26,000 કરોડ અને આગામી 10 વર્ષમાં તમિલનાડુમાં ઉત્પાદન વિસ્તારવા એક ઘટક ઇકોસિસ્ટમ, EV ઉત્પાદન, ચાર્જિંગ ઇન્ફ્રા અને સ્કેલ ડેવલપમેન્ટનો સમાવેશ થાય છે.