Election Results, Govt Formation 2024 LIVE : JDU ક્વોટામાંથી આટલા બની શકે છે કેન્દ્રીય મંત્રી
- GujaratOthers
- June 6, 2024
- No Comment
- 12
લોકસભા ચૂંટણીના સંપૂર્ણ પરિણામ જાહેર થયા બાદ, હવે દેશમાં નવી સરકાર બનાવવાની ગતિવિધિ તેજ થઈ છે. દિલ્હીમાં નેશનલ ડેમોક્રેટિક એલાયન્સ (NDA)માં સામેલ પક્ષોની બેઠક ગઈકાલ બુધવારે યોજાઈ હતી. આ બેઠકમાં સર્વાનુમતે નરેન્દ્ર મોદીને NDA સંસદીય દળના નેતા તરીકે પસંદ કરવાના ઠરાવને પસાર કરાયો છે. જેના અનુસંધાને આવતીકાલ 7 જૂને સંસદના સેન્ટ્રલ હોલમાં મળનારી NDA સાંસદોની બેઠકમાં નરેન્દ્ર મોદીને સત્તાવાર રીતે NDA સંસદીય દળના નેતા તરીકે પસંદ કરવામાં આવશે.
આ બેઠક દરમિયાન નરેન્દ્ર મોદી નવા ચૂંટાયેલા સાંસદોને સંબોધિત કરશે. આ પછી NDA તમામ સહયોગી દળોના પ્રતિનિધિ સહીતનું એનડીએનું એક પ્રતિનિધિમંડળ સાંજે રાષ્ટ્રપતિને મળશે. રાષ્ટ્રપતિએ NDA સાંસદોને શુક્રવારે સાંજે 5થી 7 દરમિયાન મળવાનો સમય આપ્યો છે. અમિત શાહ અને રાજનાથ સિંહ સરકારની રચના અંગે સાથી પક્ષો સાથે વિચાર વિમર્શ કરશે. સરકાર રચવાની કવાયત પરના તમામ મુખ્ય અપડેટ્સ અહીં વાંચો…