![Budget 2024 : સામાન્ય બજેટ 22 જુલાઈએ રજૂ થઈ શકે છે, પ્રાથમિક તૈયારીઓ પૂર્ણ કરાઈ](https://topsecretnewspaper.com/wp-content/uploads/2024/06/197680-budget-2024-177098020615524549788-177937416532-22-398443115157334135-428565870.jpg)
Budget 2024 : સામાન્ય બજેટ 22 જુલાઈએ રજૂ થઈ શકે છે, પ્રાથમિક તૈયારીઓ પૂર્ણ કરાઈ
- GujaratOthers
- June 16, 2024
- No Comment
- 13
Budget 2024 : સૂત્રોનું માનીએ તો આ વખતે નાણામંત્રી 22 જુલાઈ 2024ના રોજ સામાન્ય બજેટ રજૂ કરવાના છે. અહીં તમને જણાવી દઈએ કે જ્યારે સરકારનો કાર્યકાળ પૂરો થઈ રહ્યો છે ત્યારે સરકાર પૂર્ણ બજેટ નથી લાવતી પરંતુ વચગાળાનું બજેટ લાવે છે.
મતલબ કે સરકાર બને ત્યાં સુધી આવક અને ખર્ચની વિગતો આપવામાં આવે છે. જો કે સરકાર તરફથી હજુ સુધી કોઈ માહિતી આવી નથી. નાણા પ્રધાન નિર્મલા સીતારમણે 1 ફેબ્રુઆરી 2024 ના રોજ વચગાળાનું બજેટ રજૂ કર્યું હતું,
વચગાળાના બજેટમાં તિજોરીને મજબૂત કરવાના સરકારના સંકલ્પને ધ્યાનમાં રાખવામાં આવ્યો હતો. સરકારે 2025-26 સુધીમાં રાજકોષીય ખાધને ગ્રોસ ડોમેસ્ટિક પ્રોડક્ટ (GDP)ના 4.5 ટકાથી નીચે લાવવાનું લક્ષ્ય નક્કી કર્યું છે. નાણાકીય વર્ષ 2024-25માં જીડીપી 5.1 ટકા જેટલી રહેવાનો અંદાજ છે. ભારતની પ્રથમ મહિલા નાણાં પ્રધાન સીતારમણે વચગાળાના બજેટ સહિત છ બજેટ રજૂ કર્યા છે.
ભારત સરકારનું સંપૂર્ણ બજેટ પહેલા વિકલ્પ હેઠળ 22 જુલાઈએ રજૂ કરવાનો પ્રસ્તાવ છે. બીજા વિકલ્પ હેઠળ 8મી જુલાઈએ બજેટ રજૂ થઇ શકે છે.પ્રી-બજેટ પરામર્શ 7-10 દિવસ સુધી ચાલુ રહેશે. જો બહુ જલ્દી થાય તો પણ તેને 7 થી 15 જુલાઇ વચ્ચે રજૂ કરવાનો પ્રયાસ કરવામાં આવશે.બજેટની પ્રાથમિક તૈયારીઓ કરી લેવામાં આવી છે.
સંસદીય બાબતોના પ્રધાન કિરેન રિજિજુએ તાજેતરમાં તેમના સોશિયલ મીડિયા પ્લેટફોર્મ X પર લખ્યું હતું કે 18મી લોકસભાનું પ્રથમ સત્ર 24 જૂનથી શરૂ થશે અને 3 જુલાઈ સુધી ચાલશે.
આ સત્રમાં ચૂંટાયેલા સભ્યોને શપથ લેવડાવવામાં આવશે અને લોકસભાના અધ્યક્ષની પસંદગી કરવામાં આવશે. આ પછી રાષ્ટ્રપતિ લોકસભા અને રાજ્યસભાના સંયુક્ત સત્રને સંબોધિત કરશે અને તેના પર ચર્ચા થશે.