Amreli : 17 કલાકની અથાગ મહેનત પછી પણ હારી જીંદગી, બોરવેલમાં પડેલી દોઢ વર્ષની માસૂમ બાળકીનું મોત
- GujaratOthers
- June 15, 2024
- No Comment
- 20
અમરેલીના સુરગપરામાં બોરવેલમાં ફસાયેલી બાળકી આખરે તેની જિંદગી સાથેનો જંગ હારી ગઈ છે. 17 કલાક સુધી સતત તેને બચાવવા માટે ઓપરેશન ચલાવવામાં આવ્યુ હતુ. તેમ છતા આ માસુમ તેની જીંદગી સામેની લડાઇ હારી ગઇ છે. તબીબોએ બાળકીને મૃત જાહેર કરી છે.
અથાગ મહેનત બાદ પણ બાળકીનો જીવ ન બચાવી શકાયો
દોઢ વર્ષની આરોહી નામની બાળકી 500 ફૂટ ઊંડા બોરવેલમાં પડી ગઇ હતી અને 45થી 50 ફૂટ ઉંડે ફસાઇ ગઇ હતી.ઘટનાની જાણ થતા જ પ્રાંત અધિકારી, MLA, સાંસદ પણ સ્થળે પહોંચી ગયા હતા. NDRFની ટીમ પણ બોલાવી લેવાઇ હતી. જો કે અથાગ પ્રયત્ન છતા તેની જીંદગી બચાવી ન શકાઇ.
અંતે NDRF, પોલીસ અને ફાયર વિભાગની ટીમે બાળકીનો મૃતદેહ બહાર કાઢ્યો છે. હેલ્થ વિભાગના અધિકારીઓએ આરોહીની તપાસ બાદ તેને મૃત જાહેર કરી છે. બોરવેલમાં ફસાયેલી બાળકીને બચાવવા રાજુલાથી લાવેલા રોબોટ ટીમની પણ મદદ લેવાઈ હતી.
શું હતી સમગ્ર ઘટના ?
દોઢ વર્ષીય આરોહી ખેતમજૂરની બાળકી છે. અમરેલીના સુરગપરામાં 14 જુનના રોજ બપોરે સાડા બાર કલાકે આ દોઢ વર્ષીય બાળકી રમતા-રમતા અચાનક બોરવેલમાં પડી ગઇ હતી.જે પછી બાળકી 45થી 50 ફૂટ ઉંડે ફસાઇ ગઇ હતી. ઘટના અંગે જાણ થયા બાદ બાળકીને બચાવવા આરોગ્ય, ફાયર અને પોલીસ વિભાગ બાળકીના બચાવ કાર્યમાં લાગી ગયુ હતુ.
A girl fell into a 45-50 feet deep borewell in Surgapara village. The girl was declared dead after NDRF retrieved it.#Amreli #AmreliRescue #Gujarat #TV9News pic.twitter.com/j2l2lCS69K
— Tv9 Gujarati (@tv9gujarati) June 15, 2024
બાળકીને બચાવવા રોબોર્ટની મદદ લેવામાં આવી
બાળકીને બચાવવા 108ની ટીમે બોરવેલમાં ઓક્સિજન સપ્લાય કર્યું હતુ. ફાયરની ટીમે બોરવેલમાં કેમેરા ગોઠવ્યા હતા. બોરની અંદરના બાળકીના કેમેરાના વિજયુલમાં જોવા મળ્યુ હતુ કે બાળકીના માથા પર માટી પડી છે.જે પછી ફાયર વિભાગ દ્વારા રોબર્ટથી બાળકીનું રેસ્ક્યુ કરવાનું કામ શરુ કરવામાં આવ્યુ હતુ.