Ambaniના પુત્રના લગ્નના કાર્ડથી આ લોકોનું મોં બગડી જશે, પરંતુ બાકીની જનતા થશે ખુશ !

Wedding Card : અબજોપતિ ઉદ્યોગપતિ મુકેશ અંબાણીના સૌથી નાના પુત્ર અનંત અંબાણીના લગ્નના ફંકશન માર્ચથી જ શરૂ થઈ ગયા હતા. જે ભવ્યતા સાથે તેનું આયોજન કરવામાં આવ્યું હતું તે સ્પષ્ટપણે દર્શાવે છે કે આ પરિવાર તેમના પ્રિય વ્યક્તિના લગ્નને સુપર સ્પેશિયલ અને ભવ્ય બનાવવામાં કોઈ કસર છોડશે નહીં. આનું લેટેસ્ટ ઉદાહરણ તેમના ક્રુઝ પર આપવામાં આવેલી બીજી પ્રી-વેડિંગ પાર્ટી છે.

આ લોકોને નહીં ગમે આ કાર્ડ

જો કે આ બધા વચ્ચે એવી પણ ચર્ચા હતી કે અનંત અને રાધિકા ક્યાં સાત ફેરા લેશે અને એકબીજાને પોતાનો બનાવશે. હવે તેમના લગ્નનું આમંત્રણ કાર્ડ બહાર આવ્યું છે અને તેનું કાર્ડ ઘણી રીતે ખાસ છે. તમે તેની ઝલક જોતા પહેલા અમે તમને અગાઉથી જણાવી દઈએ કે રૂઢિચુસ્ત અથવા પિતૃસત્તાક વિચારધારા ધરાવતા લોકોને અંબાણીના પુત્રના લગ્નનું કાર્ડ વધુ પસંદ નહીં આવે.

આવું છે વેડિંગ કાર્ડ

સોશિયલ મીડિયા પર જે કાર્ડ સામે આવ્યું છે તે લાલ રંગનું છે અને તેની આસપાસ સોનેરી બોર્ડર છે. ટોપ પર લગ્નનું સૂત્ર ભગવાનના ચિત્ર સાથે દર્શાવવામાં આવ્યું છે. આ પછી અંબાણી અને વેપારી પરિવારના સભ્યોના નામ લખેલા જોઈ શકાય છે. આની નીચે સમગ્ર કાર્યક્રમની માહિતી લખેલી છે.

આ રીતે કાર્ડ ખાસ બની જાય છે

જો કે અનંત-રાધિકાના લગ્નનું આ કાર્ડ એકદમ સાદું છે, પરંતુ તેમ છતાં તે એકદમ ખાસ છે. જે તમામ કપલોના નામ લખવામાં આવ્યા છે, તેમાં શ્રીમાનને બદલે ઘરની ગૃહ લક્ષ્મીને પ્રથમ સ્થાન આપવામાં આવ્યું હતું.

જે રીતે મહિલાઓનું નામ પહેલા લખીને તેમનું સન્માન કરવામાં આવ્યું છે તે પ્રશંસનીય છે અને તે ચોક્કસપણે તે લોકોને ગમશે જેઓ લિંગ સમાનતામાં માને છે અને મહિલાઓને આગળ વધારવાનો પ્રયાસ કરી રહ્યા છે. પિતૃસત્તાક વિશે વિચારનારાઓને આ ગમી શકે નહીં.

પ્રેરણાત્મક સંદેશ

એમાં કોઈ શંકા નથી કે અંબાણી માત્ર તેમના વ્યવસાય માટે જ નહીં પરંતુ તેમની લાઈફસ્ટાઈલ અને પર્સનલ લાઈફના નિર્ણયો માટે પણ લોકો વચ્ચે સમાચારમાં રહે છે. આવી સ્થિતિમાં તેમણે જે રીતે ઘરની મહિલાઓના નામને મહત્વ આપતા કાર્ડ્સ છાપ્યા છે, તે એક પ્રેરણાદાયક પગલું છે અને ચોક્કસ તેની અસર ભવિષ્યના સામાન્ય લગ્નો અને તેમના માટે છપાયેલા લગ્નના કાર્ડમાં પણ સ્પષ્ટપણે જોવા મળશે.

(નોંધ: ઉપરોક્ત તમામ બાબતો સાથે TV9 ગુજરાતી કોઈ દાવો કરતું નથી. આ કાર્ડ વાયરલ તરીકે પણ હોય શકે છે.)