દુનિયાની સૌથી સુંદર અને સૌથી અમીર મહિલા ક્રિકેટર T20 વર્લ્ડ કપમાં ધમાલ મચાવવા તૈયાર
- GujaratOthers
- October 2, 2024
- No Comment
- 15
UAEમાં રમાઈ રહેલા મહિલા T20 વર્લ્ડ કપ 2024માં ભાગ લઈ રહેલી 34 વર્ષની એલિસા પેરી સૌથી અમીર અને સુંદર ક્રિકેટર છે. એવું નથી કે તે આ T20 વર્લ્ડ કપ પહેલા જ સૌથી અમીર મહિલા ક્રિકેટર બની છે, પરંતુ છેલ્લા ઘણા સમયથી તે મહિલા ક્રિકેટરોમાં સૌથી અમીર અને સુંદર છે.
ઓસ્ટ્રેલિયાની સ્ટાર ઓલરાઉન્ડર એલિસા પેરીની કુલ નેટવર્થ 14 મિલિયન ડોલર (117 કરોડ રૂપિયા) કરતાં થોડી વધારે છે. અલબત્ત, એલિસા પેરીની 117 કરોડ રૂપિયા સૌથી અમીર પુરૂષ ક્રિકેટર વિરાટ કોહલીની સંપત્તિની સરખામણીમાં કંઈ જ નથી. પરંતુ, એ પણ સાચું છે કે મહિલા ક્રિકેટરોમાં એલિસા પેરીના નામનો ડંકો વાગે છે.
એલિસા પેરીની ગણતરી માત્ર ઓસ્ટ્રેલિયામાં જ નહીં પરંતુ સમગ્ર વિશ્વમાં સૌથી અનુભવી અને શ્રેષ્ઠ ઓલરાઉન્ડરોમાં થાય છે. એલિસા પેરીને બાળપણથી જ રમતગમતમાં રસ હતો. તે એક સાથે બે રમતો રમી રહી હતી અને એક જ ઉંમરે તેણે ઓસ્ટ્રેલિયા માટે બંને રમતોમાં પ્રવેશ કર્યો હતો.
માત્ર 16 વર્ષની ઉંમરે, એલિસા પેરીએ ઓસ્ટ્રેલિયા માટે ક્રિકેટ અને સોકર બંનેમાં ડેબ્યૂ કર્યું હતું. તે આંતરરાષ્ટ્રીય ક્રિકેટ રમનારી સૌથી યુવા મહિલા ક્રિકેટર બની હતી. તે ઓસ્ટ્રેલિયા માટે ICC અને FIFA વર્લ્ડ કપ રમનાર પ્રથમ ખેલાડી બની હતી. વર્ષ 2014માં એલિસા પેરીને ક્રિકેટ અને સોકરમાંથી એક પસંદ કરવાનું હતું અને તેણે ક્રિકેટને પસંદ કર્યું.
એલિસા પેરીએ ઓસ્ટ્રેલિયા માટે 157 T20 આંતરરાષ્ટ્રીય મેચ રમી છે, જેમાં તેણે 1956 રન બનાવવા ઉપરાંત 126 વિકેટ લીધી છે. મહિલા T20 વર્લ્ડ કપ 2024માં ઓસ્ટ્રેલિયાને એલિસા પેરી પાસેથી ઘણી આશાઓ છે. (All Photo Credit : ICC/ Cricket Australia)