JIO ફોનકોલ AI શું છે ? જે કોલને કરશે ટેક્સમાં રૂપાંતરિત, જાણો ઉપયોગ કરવાની રીત – Reliance launches Jio Phone Call AI

Jio એ AI ફોન કોલ ફીચર રજૂ કર્યું છે, જે કોલ રેકોર્ડિંગની સાથે સાથે કોલ ટ્રાન્સલેશનની સુવિધા પણ આપે છે. આ ફીચર યુઝર્સને ફોન કોલ્સ દરમિયાન અલગ-અલગ ભાષાઓનો અનુવાદ અને રેકોર્ડ કરવાની ક્ષમતા ધરાવે છે. આ ખાસ કરીને એવા લોકો માટે ઉપયોગી થઈ શકે છે જેઓ વિવિધ ભાષાઓમાં વાતચીત કરે છે અને સંવાદ સમજવામાં મુશ્કેલી અનુભવે છે.

આ સુવિધા દ્વારા, યુઝર્સ તેમની માતૃભાષામાં વાત કરી શકે છે અને AI વાતચીતને અન્ય ભાષામાં અનુવાદિત કરશે, જેનાથી બંને પક્ષો વચ્ચે વધુ સારી વાતચીત થશે. આ ઉપરાંત, AI ફોન કૉલ ફીચર દ્વારા વાતચીત પણ રેકોર્ડ કરી શકાશે , જે ભવિષ્યના સંદર્ભ માટે ઉપયોગી થઈ શકે છે. Jio ની આ AI ફોન કૉલ સુવિધા નવી ટેક્નોલોજી અને ઉપયોગિતાનું અનોખું મિશ્રણ છે, જે વપરાશકર્તાઓ માટે ખૂબ જ અનુકૂળ અને અસરકારક સાબિત થઈ શકે છે.

કેવું છે AI ફોન કોલ ફીચર?

મુકેશ અંબાણીના પુત્ર આકાશ અંબાણીએ કહ્યું કે Jioનું AI ફોન કોલ ફીચર એકદમ ખાસ છે. તેમના જણાવ્યા અનુસાર, ફોન કોલ AI ફીચરની મદદથી યુઝર્સ કોઈપણ કોલ રેકોર્ડ અને સ્ટોર કરી શકે છે. તેમજ આ ફીચરની મદદથી કોલ ઓટોમેટીક ટાઈપ કરી શકાશે. જે વૉઇસને ટેક્સ્ટમાં કન્વર્ટ કરે છે. આ નવી સુવિધા કૉલનો સારાંશ આપી શકે છે અને તેને કોઈપણ ભાષામાં અનુવાદ પણ કરી શકે છે. આ ફીચરની મદદથી તમે કોઈપણ મહત્વપૂર્ણ કોલ અથવા વાતચીતને સરળતાથી સમજી શકશો. આ નવા ફીચરની મદદથી Jio આર્ટિફિશિયલ ઈન્ટેલિજન્સને ફોન કોલ ડાયલ કરવા જેટલું જ સરળ બનાવવાનો પ્રયાસ કરી રહ્યું છે.

AI ફોન કોલ ફીચરની ખાસિયતો

રીઅલ-ટાઇમ અનુવાદ: આ સુવિધા ફોન કૉલ્સ દરમિયાન વાતચીતનું વાસ્તવિક-સમય અનુવાદ પ્રદાન કરી શકે છે. આની મદદથી યુઝર્સ અલગ-અલગ ભાષાઓમાં વાત કરી શકે છે અને અન્ય પક્ષની ભાષાને તેમની પસંદગીની ભાષામાં સાંભળી શકે છે. વિવિધ ભાષાઓમાં વાતચીત કરતા લોકો માટે આ સુવિધા અત્યંત ઉપયોગી છે.

કોલ રેકોર્ડિંગઃ AI ફીચર સાથે કોલ રેકોર્ડિંગની સુવિધા પણ આપવામાં આવી છે. તે વપરાશકર્તાઓને તેમની વાતચીત રેકોર્ડ કરવાની મંજૂરી આપે છે, જે તેઓ સંદર્ભ માટે પછીથી સાંભળી શકે છે. આ સુવિધા ખાસ કરીને વ્યવસાયિક ઉપયોગ માટે મદદરૂપ થઈ શકે છે.

સગવડ અને સુલભતા: Jio ની આ સુવિધા તે યુઝર્સ માટે પણ મદદરૂપ થઈ શકે છે જેમને ભાષાના અવરોધોને કારણે વાતચીત કરવામાં મુશ્કેલી અનુભવાય છે. આ સુવિધા સંચારને વધુ સમાવિષ્ટ અને સરળ બનાવે છે.

ઈનોવેટિવ ટેક્નોલોજીઃ જિયોનું આ પગલું ટેલિકોમ ઈન્ડસ્ટ્રીમાં ઈનોવેશન અને ટેક્નોલોજીના પયોગને નવી દિશા આપે છે. AI નો ઉપયોગ કરીને ફોન કૉલ્સમાં અનુવાદ અને રેકોર્ડિંગ જેવી સુવિધાઓ ઉમેરવી એ નોંધપાત્ર તકનીકી વિકાસ છે.

AI ફોન કોલ ફીચરનો ઉપયોગ કેવી રીતે કરવો

1. Jio ફોન કૉલ ફીચરનો ઉપયોગ કરવા માટે, તમારે કૉલના સમયે Jio ફોન કૉલ AI નંબર ઉમેરવો પડશે. જે 1-800-732673 છે.
2. આ નંબર પરથી તમે કોલ એડ કરતાની સાથે જ તમને Jio તરફથી સ્વાગત સંદેશ સંભળાશે. આ પછી, યુઝર્સે કૉલને રેકોર્ડ કરવા અને ટ્રાંસ્ક્રાઇબ કરવા માટે #1 દબાવવું પડશે.
3. જ્યારે તમે ટ્રાન્સક્રિપ્શન બંધ કરવા માંગતા હોવ ત્યારે તમારે 2 ડાયલ કરવું પડશે. તેને ફરીથી શરૂ કરવા માટે તમારે 1 ડાયલ કરવું પડશે.
4. એક વાત જાણવી ખૂબ જ જરૂરી છે કે કૉલ સમાપ્ત થયા પછી, તમારે Jio ફોન કૉલ AI ફીચરને બંધ કરવા માટે 3 ડાયલ કરવું પડશે.
5. આ ફીચર કોલ દરમિયાન વાતચીતને રેકોર્ડ કરે છે અને ફોનમાં સ્ટોર કરે છે. આ ડેટા Jio ક્લાઉડમાં સેવ થાય છે.