અમેરિકા પર એક નહીં પણ ત્રણ બાજુથી થઈ શકે છે પરમાણુ હુમલો ! જાણો અમેરિકાને કયા દેશોનો છે ડર

રશિયા-યુક્રેન યુદ્ધ અને ઈઝરાયેલ-હમાસ યુદ્ધ વચ્ચે અમેરિકા હવે પરમાણુ યુદ્ધના ભયથી ચિંતિત છે. અમેરિકાને એક નહીં પણ ત્રણ બાજુથી પરમાણુ હુમલો થવાનો ડર છે. આ જ કારણ છે કે જો બાઈડને અમેરિકન દળોને પરમાણુ મિસાઈલ તૈયાર રાખવાનો આદેશ આપ્યો છે. આ માટે અમેરિકાના રાષ્ટ્રપતિ જો બાઈડને માર્ચમાં જ એક અત્યંત ગુપ્ત દસ્તાવેજ પર હસ્તાક્ષર કર્યા હતા. જેમાં અમેરિકાની પરમાણુ રણનીતિમાં કેટલાક ફેરફારો કરવામાં આવ્યા છે. જે ન્યુક્લિયર એમ્પ્લોયમેન્ટ ગાઇડન્સ તરીકે ઓળખાય છે. મીડિયા રિપોર્ટમાં આ વાત સામે આવી છે.