ડાલામથ્થાનો આ વીડિયો જોઈ તમે હસવુ નહીં રોકી શકો, વનરાજાએ મૃત કાચબા સાથે કરી આવી હરકત- જુઓ Video

ગુજરાતના ઘરેણા સમાન ગીરના સિંહના નોખા- અનોખા વીડિયો અવારનવાર સામે આવતા રહ્યા છે. આવો જ વધુ એક વીડિયો સામે આવ્યો છે. જેમા વનરાજા મૃત કાચબા સાથે રમી રહ્યા છે. ગીરના સાવજ જંગલમાંથી પસાર થઈ રહ્યા હતા એ સમયે રસ્તામાં પડેલા મૃત કાચબા પર નજર પડી. બસ પછી તો મૃત કાચબાને જોઈને આ ડાલામથ્થાને એવુ તો કૌતુક થયુ કે તેને કાચબાને ઉલચપલચટ કરી અનેકવાર ચકાસ્યુ કે તે જીવત છે કે મરેલો છે. કાચબો મૃત્યુ પામેલો હતો પરંતુ સિંહને જાણે ખુદ પર વિશ્વાસ ન હોય અને ખાતરી કરવા માગતા હોય કે કાચબાને ઉપરનીચે કરીને તેને જગાડી રહ્યા હોય એવુ દૃશ્ય સામે આવ્યુ.

ખરાઈ કરી રહ્યો છે, કાચબો જીવિત છે કે મૃત!

કાચબાના મૃત શરીર સાથેની સિંહની આ ગડમથલ નજીક બેસેલી સિંહણ પણ ખૂબ જ ધીરજથી નિહાળી રહી હતી. આ વીડિયો દેવળિયા સફારી પાર્કનો છે. કોઈ પ્રવાસીની નજરે સિંહની હરકત સામે આવતા કેમેરામાં કેદ કરી છે. સામાન્ય રીતે સિંહ કે સિંહણ કાચબાનો શિકાર કરતા નથી પરંતુ આ વીડિયો સિંહની પ્રકૃતિથી વિપરીત છે. જો કે સિંહ કાચબાને જગાડવાનો પ્રયાસ કરતો હોય તેવુ વીડિયો પરથી લાગી રહ્યુ છે.

Input Credit- Vijaysinh Parmar- Junagadh

 ગુજરાતના તમામ જિલ્લાના સમાચાર વાંચવા માટે અહીં ક્લિક કરો