હિંમતનગરમાં બેફામ દોડતા ડમ્પર ટ્રકે બાઈક અને TRB જવાનને અડફેટે લીધા, એકનું મોત, જુઓ

સાબરકાંઠા જિલ્લાના હિંમતનગર શહેરમાં બેફામ દોડતા વાહનો અને ટ્રાફિકની સમસ્યા હવે દિવસે દિવસે માથાના દુઃખાવા સમાન બન્યો છે. આ દરમિયાન હિંમતનગર શહેરાન પોલિટેકનીક ચાર રસ્તા પર એક બેફામ દોડતા ડમ્પર ટ્રકે એક બાઈક અને ચોકડી પર ઉભેલ ટીઆરબી જવાનને અડફેટે લેવાની ઘટના સામે આવી છે. જેમાં બાઈક ચાલકનું મોત નિપજ્યું હતુ.

રેતીની હેરફેર કરતા અને પૂરઝડપે ભીડ ભાડ ભર્યા વિસ્તારમાં દોડતા ડમ્પર ટ્રકે અકસ્માત સર્જવાને લઈ સ્થાનિકોમાં રોષ ફેલાયો હતો. ટ્રકના નીચે બાઈક અને તેનો ચાલક દબાઈ જવાને લઈ સ્થાનિકોએ ક્રેન બોલાવી હતી. ક્રેન વડે ટ્રક ઉંચો કરીને બાઈક ચાલકને બહાર નિકાળવામાં આવ્યો હતો. જોકે સારવાર માટે લઈ જતા પહેલા જ યુવકનું મોત નિપજ્યું હતુ. બળવંતપુરા નવાનો યુવાન બેફામ દોડતા ટ્રકને લઈ મોતને ભેટ્યો હતો. ઘટનામાં અન્ય બે લોકોને ઈજાઓ પહોંચી હતી. જેમને સારવાર માટે ખસેડવામાં આવ્યા હતા. જેમાં એક ટીઆરબી જવાનને પણ ઈજા પહોંચી હતી.

આ પણ વાંચો:  T20 World Cup 2024: બાંગ્લાદેશ સુપર-8માં પહોંચ્યું, કઈ આઠ ટીમો વચ્ચે થશે ટક્કર? જાણો

ગુજરાતના તમામ જિલ્લાના સમાચાર વાંચવા માટે અહીં ક્લિક કરો