આજે સોલાર કંપનીનો IPO ખુલશે, ગ્રે માર્કેટમાં 133% પ્રીમિયમ પહોંચી જતા લિસ્ટિંગ સાથે તગડા રિટર્નનું અનુમાન
- GujaratOthers
- June 14, 2024
- No Comment
- 23
GP Eco Solutions IPO: જો તમે એવા IPOમાં નાણાંનું રોકાણ કરવાનું વિચારી રહ્યા છો જેમાં તમે લિસ્ટિંગના પ્રથમ દિવસે જ મોટો નફો કમાઈ શકો તો આ અહેવાલમાં તમારા માટે ઉપયોગી માહિતી છે. આજે એક સોલર કંપનીનો IPO રોકાણ માટે ખુલી રહ્યો છે.
આ કંપની GP Eco Solutions India છે. સોલાર કંપની જીપી ઈકો સોલ્યુશન્સ ઈન્ડિયાનો આઈપીઓ આજે એટલે કે 14 જૂનથી રોકાણ માટે ખુલ્લો રહેશે અને રોકાણકારો 19 જૂન સુધી આ ઈસ્યુમાં નાણાંનું રોકાણ કરી શકશે. ઈશ્યુની પ્રાઇસ બેન્ડ પ્રતિ શેર ₹90 થી ₹94 નક્કી કરવામાં આવી છે.
નોઇડા સ્થિત કંપનીના IPOમાં બુક-બિલ્ડિંગ પ્રક્રિયા દ્વારા 32,76,000 ઇક્વિટી શેરના નવા ઇશ્યુનો સમાવેશ થશે. બજાર નિર્માતાઓ માટે 3.27 લાખ ઇક્વિટી શેર, એન્કર રોકાણકારો માટે 8.83 લાખ ઇક્વિટી શેર, બિન-સંસ્થાકીય રોકાણકારો (NIIs) માટે 4.44 લાખ ઇક્વિટી શેર, લાયક સંસ્થાકીય ખરીદદારો (QIBs) માટે 5.89 લાખ ઇક્વિટી શેર અને 10.32 લાખ રિટેલ રોકાણકારો માટે ઇક્વિટી શેર અનામત રાખવામાં આવ્યા છે.
GP Eco Solutions IPO લોટ સાઈઝ 2,000 શેર છે. રેડ હેરિંગ પ્રોસ્પેક્ટસ (RHP) અનુસાર કંપની સોલર ઇન્વર્ટર અને પેનલ્સની વિતરક છે.
કોર્પોરેટ કેપિટલવેન્ચર્સ પ્રાઇવેટ લિમિટેડ GP ઇકો સોલ્યુશન્સ IPO માટે બુક રનિંગ લીડ મેનેજર છે જ્યારે BigShare Services Pvt Ltd રજિસ્ટ્રાર તરીકે કામ કરી રહી છે. SS કોર્પોરેટ સિક્યોરિટીઝ એ GP ઇકો સોલ્યુશન્સ IPO માટે બજાર નિર્માતા છે.
આ શેર ગ્રે માર્કેટમાં 125 રૂપિયાના પ્રીમિયમ પર ઉપલબ્ધ છે. એટલે કે સંભવિત લિસ્ટિંગ કિંમત રૂ. 219 હોઈ શકે છે. આ મુજબ, રોકાણકારો પહેલા જ દિવસે લગભગ 133% નો નફો કરી શકે છે.
stock market disclaimer