જમ્મુ-કાશ્મીરમાં 48 કલાકમાં 3 આતંકી હુમલા, કઠુઆમાં એક આતંકીને કરાયો ઠાર, ડોડામાં 6 જવાન ઘાયલ

જમ્મુ-કાશ્મીરમાં આતંકનો ઓછાયો ઓછુ થવાનો નામ નથી લઇ રહ્યો. છેલ્લા 48 કલાકમાં આતંકવાદીઓ દ્વારા આચરવામાં આવેલી ત્રણ ઘટના બની છે. ડોડામાં આતંકીઓએ આતંક ફેલાવવાનો પ્રયાસ કર્યો છે. બાદમાં કઠુઆમાં સુરક્ષાદળોએ એન્કાઉન્ટરમાં એક આતંકવાદીને ઠાર માર્યો હતો. રિયાસીમાં બસ પર થયેલા હુમલામાં 9 શ્રદ્ધાળુઓના મોત થયા હતા અને 40 ઘાયલ થયા હતા.

આતંકવાદીઓ જમ્મુ-કાશ્મીરમાં ફરી એકવાર આતંક ફેલાવવા માગે છે, જેની યોજનાને સુરક્ષા જવાનો નિષ્ફળ બનાવી રહ્યા છે. કઠુઆના હીરાનગર સેક્ટરમાં સુરક્ષાદળો સંપૂર્ણ રીતે તૈયાર છે. ગામલોકોએ માહિતી આપી હતી કે કેટલાક આતંકવાદીઓ ગામમાં ઘૂસ્યા છે અને તેઓએ ગોળીબારનો અવાજ સાંભળ્યો હતો. માહિતી બાદ સુરક્ષા દળો ઘટનાસ્થળે પહોંચી ગયા અને એક આતંકીને ઠાર કર્યો.

#WATCH | Doda, J&K: Injured being brought to the Sub District Hospital Bhaderwah as an encounter is underway between security forces and terrorists in the Chattargala area of Doda. pic.twitter.com/BxXaus49Qd

— ANI (@ANI) June 11, 2024

સમગ્ર વિસ્તારને સુરક્ષા દળોએ ઘેરી લીધો છે. એન્કાઉન્ટર દરમિયાન બંને તરફથી થયેલા ગોળીબારમાં એક નાગરિકને પણ ગોળી વાગી હતી. જે પછી આતંકવાદીઓએ ડોડા વિસ્તારમાં પણ પોતાનો ખતરો દર્શાવ્યો છે, જ્યાં આતંકવાદીઓ અને સુરક્ષા દળો વચ્ચે અથડામણ ચાલી રહી છે.

છેલ્લા 48 કલાકમાં આતંકીઓએ ત્રીજી ઘટનાને અંજામ આપ્યો છે. કહેવાય છે કે ડોડાના છત્તરગલ્લામાં પોલીસ બ્લોકને પણ નિશાન બનાવવામાં આવી હતી. આતંકવાદીઓએ સુરક્ષા દળો પર ગોળીબાર કર્યો અને ચોકીમાંથી ભાગવાનો પ્રયાસ કર્યો, ત્યારબાદ પોલીસ અને સુરક્ષા દળોએ ચાર્જ સંભાળ્યો અને જવાબી કાર્યવાહી કરી. આતંકવાદીઓ અંધારાનો ફાયદો ઉઠાવીને છુપાઈ ગયા છે. તેમની શોધખોળ પણ ચાલુ છે. આતંકીઓના ગોળીબારમાં છ સુરક્ષાકર્મીઓ ઘાયલ થયા છે. સૂત્રોના જણાવ્યા અનુસાર ભદરવાહ સ્થિત રાષ્ટ્રીય રાઈફલ્સ યુનિટના પાંચ સૈનિકો અને એક એસપીઓ ઘાયલ થયા છે. તમામ ઘાયલોને સારવાર માટે SDH ભદરવાહ લાવવામાં આવ્યા છે.

સાથે જ જમ્મુના લોકો આતંકવાદીઓથી આઝાદી ઈચ્છે છે. કહેવાય છે કે કઠુઆના હીરાનગરના લોકોને આતંકીઓ છુપાયા હોવાની માહિતી મળી હતી, જેના પછી સુરક્ષા દળોની ટીમ ત્યાં પહોંચી હતી. સર્ચ ઓપરેશન દરમિયાન આતંકીઓએ સુરક્ષા દળો પર ફાયરિંગ શરૂ કરી દીધું હતું. જવાબી ફાયરિંગ કરવામાં આવ્યું હતું, જેમાં એક આતંકી માર્યો ગયો હતો.

સ્થાનિક નાગરિકોએ અફવાઓ પર ધ્યાન ન આપવા તંત્રની અપીલ

ADG આનંદ જૈનના જણાવ્યા અનુસાર આ આતંકવાદ થકી ઘૂસણખોરીનો પાકિસ્તાનનો નવો પ્રયાસ છે. આતંકવાદીઓના અંધાધૂંધ ગોળીબારમાં એક નાગરિકને ગોળી વાગી હતી. તેને ઈજાગ્રસ્ત હાલતમાં હોસ્પિટલમાં દાખલ કરવામાં આવ્યો છે અને તેની સારવાર કરવામાં આવી રહી છે. કઠુઆમાં આતંકવાદીઓની ઘૂસણખોરી અંગે એડીજી આનંદ જૈને કહ્યું છે કે આ વિસ્તારમાં અનેક પ્રકારની અફવાઓ પણ ફેલાવવામાં આવી રહી છે. ADGએ આનાથી બચવાની સલાહ આપી છે. એડીજીના જણાવ્યા અનુસાર, આતંકવાદીઓએ પાણી માંગ્યું જેના પછી ગામલોકોને તેમના પર શંકા થઈ.

#WATCH | Jammu and Kashmir: Follow-up search operation underway after the terror attack in Kathua’s Hiranagar last night.

Out of two terrorists, one was neutralised last night in an encounter. Search operations to nab the other terrorists are underway. The security forces have… pic.twitter.com/uMD7CfRKWD

— ANI (@ANI) June 12, 2024

આતંકવાદીનો સ્કેચ જાહેર કરાયો

આ પહેલા જમ્મુ-કાશ્મીર પોલીસે રિયાસીમાં શ્રદ્ધાળુઓથી ભરેલી પેસેન્જર બસ પર હુમલામાં સામેલ આતંકવાદીનો સ્કેચ જાહેર કર્યો છે. આ સ્કેચ પ્રત્યક્ષદર્શીઓના નિવેદનના આધારે તૈયાર કરવામાં આવ્યો છે. પ્રશાસન દ્વારા માહિતી આપવા માટે ઘણા મોબાઈલ નંબર પણ જારી કરવામાં આવ્યા હતા. પોલીસે આતંકવાદી વિશે માહિતી આપનારને 20 લાખ રૂપિયાનું ઈનામ પણ જાહેર કર્યું છે. આતંકીને પકડવા માટે સુરક્ષાકર્મીઓની 11 ટીમો સતત દરોડા પાડી રહી છે. 9 જૂને મુસાફરોથી ભરેલી બસ પર થયેલા આતંકવાદી હુમલામાં 9 લોકોએ જીવ ગુમાવ્યો હતો, જ્યારે 40થી વધુ લોકો ઘાયલ થયા હતા.

વિશ્વ હિન્દુ પરિષદે ઉગ્ર વિરોધ વ્યક્ત કર્યો હતો

વિશ્વ હિંદુ પરિષદ તરફથી કહેવામાં આવ્યું છે કે 9 જૂને રિયાસીમાં શ્રદ્ધાળુઓ પર થયેલો હુમલો પાકિસ્તાન સમર્થિત ઈસ્લામિક આતંકવાદીઓનું કાયરતાપૂર્ણ કૃત્ય હતું, તેથી બજરંગ દળે દેશમાં ઈસ્લામિક આતંકવાદના પૂતળા દહન કરવાનો નિર્ણય લીધો છે. જિલ્લા મેજિસ્ટ્રેટ દ્વારા રાષ્ટ્રપતિને મેમોરેન્ડમ આપ્યું છે. મેમોરેન્ડમ દ્વારા આતંકવાદીઓ સામે કડક કાર્યવાહી સુનિશ્ચિત કરવા અપીલ કરવામાં આવશે. વિશ્વ હિંદુ પરિષદે આતંકવાદી હુમલામાં માર્યા ગયેલા શ્રદ્ધાળુઓને શ્રદ્ધાંજલિ આપી હતી અને આ ઘટનામાં ઘાયલ થયેલા લોકોના ઝડપથી સ્વસ્થ થવાની કામના કરી હતી.

આતંકવાદી ઘટનાઓમાં વધારો થવાના આરોપો લગાવવામાં આવી રહ્યા છે. ગૃહમંત્રી અમિત શાહે પોતે આ વર્ષની શરૂઆતમાં કહ્યું હતું કે જમ્મુ-કાશ્મીરમાં આતંકવાદમાં 70 ટકાનો ઘટાડો થયો છે. તાજેતરની આતંકવાદી ઘટનાઓને જમ્મુ-કાશ્મીરમાં ફરી રહેલી શાંતિ અને વિકાસની પ્રગતિને રોકવાનો પ્રયાસ માનવામાં આવી રહ્યો છે, જેના પર ગૃહમંત્રી અમિત શાહે કહ્યું છે કે કડક કાર્યવાહી કરવામાં આવશે.