Lok Sabha Election Results 2024 : સૌરાષ્ટ્રની લોકસભાની સાતેય બેઠકો પર ભગવો લહેરાયો, દરેક સીટ પર છેલ્લા 10 વર્ષથી ભાજપનો દબદબો

Surendranagar Constituency Lok Sabha Election Results 2024 : આ બેઠક પરથી ભાજપના ઉમેદવાર ચંદુભાઈ શિહોરાને કુલ 6,52,986 મત મળ્યા છે તેમજ કોંગ્રેસના ઉમેદવાર ઋત્વિક મકવાણાને 3,92,671 કુલ મત મળ્યા છે. ચંદુભાઈ શિહોરા 2,60,315 મતના માર્જીનથી જીત્યા છે. છેલ્લા 10 વર્ષથી આ બેઠક પર ભાજપે રાજ કર્યું છે અને આ વખતે પણ હેટ્રિક લગાવી છે.

Rajkot Constituency Lok Sabha Election Results 2024 : આ બેઠક પર સતત 10 વર્ષથી ભાજપ રહી છે અને આ વખતે પણ આ સીટ પર કમળ ખીલ્યું છે. ભાજપના ઉમેદવાર પરસોત્તમ રુપાલાને કુલ 7,92,438 વોટ અને કોંગ્રેસની બેઠક પર પરેશ ધાનાણીને કુલ 3,37,775 વોટ મળ્યા હતા. એટલે કે 4,54,663 માર્જિનથી રુપાલા આગળ રહ્યા છે.

Porbandar Constituency Lok Sabha Election Results 2024 : ભાજપે આ વખતે મનસુખ માંડવિયાને મેદાનમાં ઉતાર્યા હતા. તેને કુલ 6,25,962 મત મળ્યા છે. વિપક્ષના ઉમેદવાર લલિત વસોયાને કુલ 2,45,677 મત મળ્યા છે. ભાજપના ઉમેદવાર માંડવિયાની 3,80,285ની લીડ રહી હતી. આ બેઠક પર પણ છેલ્લા 10 વર્ષથી ભાજપ રાજ કરે છે.

Jamnagar Constituency Lok Sabha Election Results 2024 : વર્ષ 2014, 2019થી આ બેઠક પણ ભાજપનો ગઢ ગણાય છે. પૂનમબેન છેલ્લા 10 વર્ષથી અહીંયા રાજ કરી રહ્યા છે. જનતા તેના પર પુરેપુરો વિશ્વાસ દર્શાવે છે. આ વખતે તેણે 2,36,990ના મર્જીનથી જીત હાંસલ કરી છે. કોંગ્રેસ પક્ષે જેપી મારવિયાને કુલ 3,80,854 વોટ મળ્યા છે. પૂનમબેનને કુલ 6,17,844 વોટ મળ્યા છે.

Junagadh Constituency Lok Sabha Election Results 2024 : આ વખતે ભાજપે રાજેશ ચુડાસમાને મેદાને ઉતાર્યા હતા. તેમને કુલ 5,84,049 મત મળ્યા છે. તેમજ વિપક્ષ પર હીરા જોટવાને કુલ 4,48,555 મત મળ્યા છે. એટલે કે 1,35,494 માર્જિનથી ભાજપે ભગવો લહેરાવ્યો છે. છેલ્લા 10 વર્ષની વાત કરીએ તો આ બેઠક પર પણ ભાજપના ઉમેદવાર રાજેશ ચુડાસમા જીતતા આવ્યા છે અને તે પહેલા વર્ષ 2009માં પણ BJP જીતી હતી.

Amreli Constituency Lok Sabha Election Results 2024 : આ બેઠક પર સતત 15 વર્ષથી ભાજપ રાજ કરી રહી છે એટલે કે આ બેઠક પણ ભાજપનો ગઢ ગણાય છે. આ વખતે પણ આ સીટ પર કમળ ખીલ્યું છે. ભાજપના ઉમેદવાર ભરત સુતરીયાને કુલ 5,77,820 વોટ અને કોંગ્રેસની બેઠક પર જેનીબેન ઠુમ્મરને કુલ 2,58,231 વોટ મળ્યા હતા. એટલે કે 3,19,589 માર્જિનથી ભરત સુતરીયા આગળ રહ્યા છે અને ભગવો લહેરાવ્યો છે.

Bhavnagar Constituency Lok Sabha Election Results 2024 : આ બેઠક પરથી ભાજપના ઉમેદવાર નિમુબેન બાંભણિયાનો કુલ 6,18,266 મત મળ્યા હતા. તેમજ કોંગ્રેસ પક્ષે ઉમેશ મકવાણાને કુલ 2,21,162 મત મળ્યા હતા. એટલે કે 3,97,104ના માર્જિનથી નિમુબેને જીત હાંસલ કરી છે. છેલ્લા વર્ષોની વાત કરીએ તો આ બેઠક પર વર્ષ 2009, 2014, 2019 થી ભાજપે પોતાની જીત યથાવત રાખી છે.