આ 26 વર્ષીય છોકરાએ T-Seriesને પણ પાછળ છોડ્યું, YouTube પર છે સૌથી વધુ સબ્સ્ક્રાઇબર્સ

યુટ્યુબ પર સૌથી વધુ સબ્સ્ક્રાઇબર્સના મામલે આ 26 વર્ષીય યુવકે ભારતીય મ્યુઝિક કંપની ટી-સિરીઝને પણ પાછળ છોડી દીધી છે. આ અંગે તેણે X પ્લેટફોર્મ પર એક પોસ્ટ પણ કરી અને પોતાની સિદ્ધિ વિશે માહિતી શેર કરી છે.

આ યુટ્યુબ ચેનલનું નામ છે MrBeast, જે જીમી ડોનાલ્ડસન દ્વારા ચલાવવામાં આવે છે. તેના હવે 270 મિલિયન સબ્સ્ક્રાઇબર્સ થયા છે, જ્યારે T-Seriesના 266 મિલિયન સબ્સ્ક્રાઇબર્સ છે.

MrBeast પર વિશાળ કેટેગરીમાં કન્ટેન્ટ છે

MrBeast ચેનલ્સ યુટ્યુબ પર નંબર-1 બનવા માટે સતત પ્રયાસ કરી રહી હતી. MrBeastની ચેનલ પર તમને વિવિધ પ્રકારના કન્ટેન્ટ જોવા મળશે. આ ચેનલ પર ચેલેન્જ, ગિવ અવે, સ્ટંટ વગેરે જેવા વીડિયો જોઈ શકાય છે.

X પ્લેટફોર્મ પર MrBeastની પોસ્ટ

MrBeastએ X પ્લેટફોર્મ પર લખ્યું છે કે 6 વર્ષ પછી તેણે આખરે Pewdiepie પર બદલો લીધો છે. તમને જણાવી દઈએ કે Pewdiepie એક Youtube ચેનલ છે. T-Series અને Pewdiepie વચ્ચે 100 મિલિયન સબસ્ક્રાઈબર માટે લડાઈ હતી.

After 6 years we have finally avenged Pewdiepie pic.twitter.com/V1znbyqw27

— MrBeast (@MrBeast) June 2, 2024

T-Seriesના સીઈઓએ બોક્સિંગ મેચમાં ફેંક્યો હતો પડકાર

આ હરિફાઈ ગયા મહિને શરૂ થઈ હતી, જ્યારે MrBeastએ ટી-સિરીઝના CEOને બોક્સિંગ મેચ માટે પડકાર ફેંક્યો હતો. તે સમય દરમિયાન MrBeastના સબ્સ્ક્રાઇબર્સની સંખ્યા 258 મિલિયન અને T-Seriesના સબ્સ્ક્રાઇબર્સની સંખ્યા 265 મિલિયન હતી. બંને વચ્ચે લગભગ 6.68 મિલિયન સબસ્ક્રાઇબરનો તફાવત હતો અને હવે બે અઠવાડિયામાં MrBeastની ચેનલ પર સબસ્ક્રાઇબર્સની સંખ્યા T-Seriesને વટાવી ગઈ છે.

આ પહેલા T-Seriesના હતા સૌથી વધુ સબસ્ક્રાઇબર્સ

આ પહેલા YouTube પર ટી-સિરીઝના સબસ્ક્રાઇબર્સ સૌથી વધુ હતા. ટી-સિરીઝ એક મ્યુઝિક કંપની છે અને આ ચેનલ પર તમને ઘણા મ્યુઝિક વીડિયો અને ફિલ્મના ટ્રેલર વગેરે જોવા મળશે. MrBeast ચેનલ પર એક અલગ પ્રકારનું કન્ટેન્ટ છે. T-Series વર્ષ 2019 માં YouTube પર 100 મિલિયન સબ્સ્ક્રાઇબર્સ હાંસલ કરનાર પ્રથમ ચેનલ હતી.