જૂન મહિનાનું પહેલું સપ્તાહ રોકાણકારો માટે મહત્વનું રહેશે, 6 IPO માં રોકાણની તક ઉપલબ્ધ
- GujaratOthers
- June 2, 2024
- No Comment
- 12
Upcoming IPO : જૂનનું પહેલું સપ્તાહ 3જી જૂનથી શરૂ થઈ રહ્યું છે. જે પ્રકારના એક્ઝિટ પોલના આંકડા આવ્યા છે તેના કારણે શેરબજારમાં ઘણી એક્શન જોવા મળી શકે છે. બીજી તરફ રોકાણકારો માટે આ અઠવાડિયે કમાણીની ઘણી તકો હશે.
શેરબજારમાં મુખ્ય ત્રણ આઈપીઓ લોન્ચ થવા જઈ રહ્યા છે. જેમાં એક આઈપીઓ મેઈનબોર્ડનો હશે. બે આઈપીઓ એસએમઈના હશે. આ સિવાય ત્રણ IPO છે જે 3 જૂન અને 4 જૂને બંધ થવા જઈ રહ્યા છે. જે 30 અને 31 મેના રોજ ખોલવામાં આવ્યા હતા.
આ IPO આવતા અઠવાડિયે આવી રહ્યા છે
- Chronox Lab Sciences IPO: તે 3 જૂને સબ્સ્ક્રિપ્શન માટે ખુલશે અને 5 જૂને બંધ થશે. આ રૂપિયા 130.15 કરોડનો બુક-બિલ્ડ ઇશ્યૂ છે જેમાં સંપૂર્ણ રીતે 0.96 કરોડ શેરની ઓફર ફોર સેલ (OFS)નો સમાવેશ થાય છે. IPOની પ્રાઇસ બેન્ડ રૂપિયા 129 થી 136 પ્રતિ શેર નક્કી કરવામાં આવી છે.
- Magenta Lifecare IPO: તે 5 જૂને સબસ્ક્રિપ્શન માટે ખુલશે અને 7 જૂને બંધ થશે. આ IPOનું કદ રૂપિયા 7 કરોડ છે અને 20 લાખ શેરનો નવો ઈશ્યુ છે. IPOની પ્રાઇસ બેન્ડ 35 રૂપિયા પ્રતિ શેર નક્કી કરવામાં આવી છે.
- Sattrix IPO : તે 5 જૂને સબ્સ્ક્રિપ્શન માટે ખુલશે અને 7 જૂને બંધ થશે. આ એક SME IPO છે જેનું કદ રૂપિયા 21.78 કરોડ છે. તેમજ 18 લાખ શેરનો નવો ઈશ્યુ છે. SME IPOની પ્રાઇસ બેન્ડ 121 રૂપિયા નક્કી કરવામાં આવી છે.
- Associated Coaters IPO : જો કે, આ IPO 30મી મેના રોજ સબસ્ક્રિપ્શન માટે ખુલ્યો છે. જે 3 જૂને બંધ થશે. 5.11 કરોડના આ IPOમાં 4.22 લાખ શેર મૂકવામાં આવ્યા છે. IPOની પ્રાઇસ બેન્ડ રૂપિયા 121 છે.
- Amtron Electronics IPO: તે 30મી મેના રોજ સબસ્ક્રિપ્શન માટે ખુલ્યું છે અને 3જી મેના રોજ બંધ થશે. SME IPOનું કદ રૂ. 87.02 કરોડ છે અને આ ઈસ્યુમાં 54.05 લાખ નવા શેર મૂકવામાં આવ્યા છે. IPOની પ્રાઇસ બેન્ડ પ્રતિ શેર રૂપિયા 153 થી રૂ. 161 નક્કી કરવામાં આવી છે.
- TBI Corn IPO : તે 31મી મેના રોજ સબસ્ક્રિપ્શન માટે ખુલ્યું છે અને 4મી મેના રોજ બંધ થશે. SME IPOનું કદ રૂપિયા 44.94 કરોડ છે. આ ઈસ્યુમાં કુલ 47.81 લાખ શેર સામેલ કરવામાં આવ્યા છે. IPOની પ્રાઇસ બેન્ડ રૂપિયા 90 થી 94 રૂપિયા નક્કી કરવામાં આવી છે.