5 લાખના બજેટમાં મારુતિની આ 3 નવી કાર ખરીદવાનો મોકો, 63000 રૂપિયા સુધીની થશે બચત
- GujaratOthers
- June 6, 2024
- No Comment
- 20
જો તમારું બજેટ 5 લાખ રૂપિયા સુધીનું છે તો મારુતિ સુઝુકી તમારા માટે એક શાનદાર ઓફર લઈને આવ્યું છે. દેશની સૌથી મોટી કાર કંપનીએ તેની ત્રણ કારની ડ્રીમ સિરીઝ એડિશન રજૂ કરી છે. તેની એક્સ-શોરૂમ કિંમત માત્ર 4.99 લાખ રૂપિયા છે. આ કારોમાં તમને નવા ફીચર્સનો લાભ મળશે, આ સાથે તમને એસેસરીઝ પર પણ ડિસ્કાઉન્ટ આપવામાં આવશે.
મારુતિની Alto K10, S-Presso અને Celerioની ડ્રીમ સિરીઝ માર્કેટમાં લોન્ચ કરવામાં આવી છે, જે જૂન 2024માં જ ખરીદી શકાશે. મારુતિ સુઝુકીની ત્રણ કારની ડ્રીમ સિરીઝ લિમિટેડ એડિશન છે. કંપનીએ આ સીરીઝની માત્ર લિમિટેડ કારો જ બનાવી છે, તેથી તેનું વેચાણ જૂન મહિનામાં જ થશે. ડ્રીમ સિરીઝ Alto K10 અને S-Presso ના VXi+ વેરિઅન્ટ પર આધારિત છે. જ્યારે, સેલેરિયોની ડ્રીમ સિરીઝ LXi વેરિઅન્ટના આધારે રજૂ કરવામાં આવી છે. આ ત્રણ કારમાં તમને વધારાના ફીચર્સ મળશે.
મારુતિ અલ્ટો K10 ડ્રીમ સિરીઝમાં શું ખાસ છે ?
Alto K10 VXi+ની એક્સ-શોરૂમ કિંમત 5.35 લાખ રૂપિયા છે. પરંતુ આ વેરિઅન્ટ પર આધારિત ડ્રીમ સિરીઝ માત્ર રૂ. 4.99 (એક્સ-શોરૂમ)માં મળશે. આ સિવાય અલ્ટો K10 ડ્રીમ સિરીઝમાં રિવર્સ પાર્કિંગ અને સિક્યોરિટી સિસ્ટમ જેવી વધારાની સુવિધાઓ આપવામાં આવી છે. મારુતિ તેને ડ્રીમ સીરીઝ કીટ કહે છે. એક્સેસરીઝ ખરીદવા પર તમને ડિસ્કાઉન્ટ મળશે. તમે VXi+ ને બદલે ડ્રીમ સિરીઝ ખરીદશો તો તમારા લગભગ રૂ. 49,000 બચશે.
મારુતિ એસ-પ્રેસો ડ્રીમ સિરીઝમાં વધુ ફીચર્સ
ડ્રીમ સિરીઝ હેઠળ મારુતિ એસ-પ્રેસોને વધુ ફીચર્સનો લાભ મળશે. VXi+ વેરિઅન્ટ પર આધારિત, S-Presso ડ્રીમ સિરીઝ રિવર્સ કેમેરા, સ્પીકરની જોડી, સુરક્ષા સિસ્ટમ, આંતરિક સ્ટાઇલ કીટ, બ્લેક અને સિલ્વર બોડી સાઇડ મોલ્ડિંગ્સ, તેમજ ફ્રન્ટ સાથે આવે છે. પાછળની અને બાજુની સ્કિડ પ્લેટ્સ, ખાસિયતોમાં ગ્રિલ અને પાછળના હેચ માટે ક્રોમ ગાર્નિશ અને લાયસન્સ પ્લેટ માટે ફ્રેમનો સમાવેશ થાય છે. આ એડિશન પર લગભગ 63,000 રૂપિયા બચાવી શકો છો.
મારુતિ Celerio ડ્રીમ સિરીઝ ખરીદવાથી કેટલો ફાયદો થશે ?
Celerio ના LXi વેરિઅન્ટ પર આધારિત, ડ્રીમ સિરીઝમાં પાયોનિયર મ્યુઝિક સિસ્ટમ, રિવર્સ કેમેરા અને સ્પીકરની જોડી જેવી સુવિધાઓ આપવામાં આવી છે. LXi વેરિઅન્ટની એક્સ-શોરૂમ કિંમત 5.37 લાખ રૂપિયા છે, જ્યારે Celerio Dream સિરીઝની એક્સ-શોરૂમ કિંમત 4.99 લાખ રૂપિયા છે. તમે ડ્રીમ સિરીઝ ખરીદીને લગભગ રૂ. 58,000 બચાવી શકો છો.
આ પણ વાંચો 90 હજારથી ઓછી કિંમતમાં બાઇક અને સ્કૂટર, ઓનલાઈન પણ કરી શકો છો ઓર્ડર