28 જૂનના મહત્વના સમાચાર : લીંબડી-અમદાવાદ હાઇવે પર કન્ટેનરમાં બ્લાસ્ટ, 2 લોકોના મોત

NEET પેપરલીકનો મુદ્દો વિપક્ષો આજે બંને ગૃહમાં ઉઠાવશે.. તો શિક્ષણપ્રધાન ધર્મેન્દ્ર પ્રધાને કહ્યું, સરકાર તમામ મુદ્દે જવાબ આપવા તૈયાર છે.  પંચમહાલમાં નીટ ચોરી કૌભાંડમાં 4 આરોપીની કસ્ટડી મેળવવા CBIએ અરજી કરી છે. CBIની રિમાન્ડ અરજી પર આજે સુનાવણી થશે.  ઉત્તર ગુજરાતની રોલીંગ મીલો પર GST વિભાગે દરોડા પાડ્યા છે. 9 પેઢીઓમાં તપાસ કરતા 70.71 કરોડની  કરચોરી ઝડપાઈ. રાજ્યના 107 તાલુકામાં મેઘમહેર થઇ છે. સૌથી વધુ સાબરકાંઠાના પોશીનામાં પોણા બે ઈંચ, તો ભૂજ અને નખત્રાણામાં ધોધમાર વરસાદથી રસ્તા પાણી પાણી થયા છે. જામનગરના કાલાવડમાં વીજળી પડતા ખેડૂતનું મોત થયુ છે. તો ડેરી ગામે બળદગાડું તણાતા બાળકનું મોત થયુ છે. કેશોદમાં વીજળી પડતા શ્રમિકનું મૃત્યુ થયુ છે. આગામી છ દિવસ ભારેથી અતિભારે વરસાદની આગાહી કરવામાં આવી છે. સૌરાષ્ટ્રના 8 અને દક્ષિણ ગુજરાતના બે જિલ્લામાં વરસાદનું ઓરેન્જ એલર્ટ આપવામાં આવ્યુ છે. 13 જિલ્લામાં વરસાદનું યલો એલર્ટ છે.