26 ઓગસ્ટના મહત્વના સમાચાર : સુરતમાં ભારે વરસાદ થતા 15 પરિવારોનું સ્થળાંતર કરાયું

દેશભરમાં આજે જન્માષ્ટમીની ધુમ જોવા મળશે. મથુરાથી દેવભૂમિ દ્વારકા સુધી કૃષ્ણજન્મોત્સવને વધાવવા ભક્તોમાં થનગનાટ જોવા મળી રહ્યો છે. મહારાષ્ટ્રમાં શિંદે સરકારે આપી યુનિફાઇડ પેન્શન સ્કીમને મંજૂરી મળી, ચાલુ વર્ષના માર્ચ મહિનાથી અમલી બનશે.UPS ને મંજૂરી આપનારૂ પહેલુ રાજ્ય બન્યું મહારાષ્ટ્ર. મહારાષ્ટ્રના જલગાંવમાં લખપતિ દીદીઓનું સન્માન કરવામાં આવ્યુ. મહિલાઓ સામેના અપરાધ મુદ્દે PM એ કહ્યું, મહિલાઓ પર અત્યાચાર કરનારા કોઈને પણ નહીં છોડાય. રાજ્યના 145 તાલુકાઓમાં વરસાદ વરસ્યો. દક્ષિણથી લઇને મધ્ય ગુજરાત અને સૌરાષ્ટ્રમાં મેઘમહેર થઇ છે. રાજ્ય સરકારે સ્થિતિની સમિક્ષા કરી. નવસારીમાં ભારે વરસાદથી નદીઓમાં ઘોડાપૂર જોવા મળી રહ્યુ છે. પૂર્ણા, કાવેરી અને અંબિકા નદી ભયજનક સપાટીને પાર છે. 30 ગામોને એલર્ટ કરાયા. રાજ્યમાં હજુ છ દિવસ ભારે વરસાદની આગાહી છે. દક્ષિણ ગુજરાત, મધ્ય અને સૌરાષ્ટ્રના આઠ જિલ્લામાં રેડ એલર્ટ આપવામાં આવ્યુ છે. બાકીના જિલ્લામાં ઓરેન્જ એલર્ટ છે.