24 જૂનના મહત્વના સમાચાર : આજથી 18મી લોકસભાનું પ્રથમ સત્ર, સંસદ સત્રના પહેલા દિવસે 280 નવા ચૂંટાયેલા સાંસદો લેશે શપથ

આજથી 18મી લોકસભાનું પ્રથમ સત્ર મળવાનું છે. સંસદ સત્રના પહેલા દિવસે 280 નવા ચૂંટાયેલા સાંસદો શપથ લેશે. તો પ્રોટેમ સ્પીકરને વિપક્ષ સહયોગ નહીં કરે.  જામીન પર રોક અટકાવવા અરવિંદ કેજરીવાલ સુપ્રીમ કોર્ટની શરણે પહોંચ્યા છે. આજે સુનાવણી કરવા અપીલ કરી છે. NEET પેપર લીક કૌભાંડ કેસમાં તપાસનો ધમધમાટ ચાલી રહ્યો છે.  CBIની ટીમ આજે ગોધરા આવે તેવી શક્યતા છે.  રાજ્ય સરકારે CBIને તપાસ સોંપવાનો નિર્ણય કર્યો છે. 13 દિવસે મેઘરાજાએ આળસ ખંખેરી છે. દક્ષિણ ગુજરાત અને સૌરાષ્ટ્રના જિલ્લાઓમાં ચોમાસું બેઠું છે. તો આજે 6 જિલ્લામાં ભારે વરસાદની આગાહી છે.  રાજકોટમાં એક ઈંચ વરસાદે ખોલી તંત્રની પોલ. નાના મવા પાસે પાણી ભરાતા BRTS અને એમ્બ્યુલન્સ ફસાઈ હતી.