23 જૂનના મહત્વના સમાચાર : NEET પેપર લીક કેસમાં શિક્ષણ મંત્રાલયે CBI ને સોંપી તપાસ, NTAના ડાયરેક્ટર જનરલ પદેથી સુબોધ કુમારને હટાવાયા, આજે યોજાનારી NEET-PGની પરીક્ષા સ્થગિત

રાજ્યભરમાં આજથી મેઘમહેર થવાની આગાહી છે. સૌરાષ્ટ્ર અને દક્ષિણ ગુજરાતમાં અતિ ભારે વરસાદ થવાની હવામાન વિભાગની આગાહી છે. 24 જૂન બાદ વરસાદની ગતિ  વધશે.  વિવાદોમાં સપડાયેલા NEET મામલે શિક્ષણ મંત્રાલયે મોટો નિર્ણય લેતા પેપરલીક કેસની તપાસ હવે CBIને સોંપવામાં આવી છે. આ સાથે જ NTAના ડાયરેક્ટર સુબોધકુમારને હટાવી દેવાયા છે અને નિવૃત IAS અધિકારી પ્રદિપ સિંહ ખરોલાને ચાર્જ સોંપાયો છે.  આ તરફ રાજ્યના મુખ્યમંત્રી ભૂપેન્દ્ર પટેલે પીએમ મોદી સાથે મુલાકાત કરી હતી અને રાજ્યના સર્વાંગી વિકાસ મુદ્દે ચર્ચા કરી. આ અંગે ટ્વીટ કરી જાણકારી આપવામાં આવી છે. ત્રીજીવાર પીએમ બનવા પર ભૂપેન્દ્ર પટેલે પીએમ મોદીને શુભેચ્છા પાઠવી છે.