17 જૂનના મહત્વના સમાચાર : દ્વારકાના ખંભાળિયામાં 6 કલાકમાં વરસ્યો 9 ઇંચથી વધુ વરસાદ, પોરબંદરમાં પોણા ત્રણ ઇંચ વરસાદ

આજે CMના નિવાસસ્થાને ભાજપની બેઠક મળશે. જેમાં સી આર પાટીલ સહિત લોકસભા ઉમેદવારો અને પ્રભારી હાજર રહેશે. આ બેઠકમાં ચૂંટણી પરિણામોની સમીક્ષા થશે. સૌરાષ્ટ્રમાં ચોમાસાની ધમાકેદાર એન્ટ્રી થઇ છે. દ્વારકાના ખંભાળિયામાં 6 કલાકમાં 9 ઇંચથી વધુ વરસાદ વરસ્યો છે, તો પોરબંદરમાં પોણા ત્રણ ઇંચ વરસાદ વરસતા તે પાણી પાણી થઇ ગયુ છે. તો ગુજરાતમાં આગામી 24 કલાકમાં ફરી ચોમાસું સક્રિય થશે. સૌરાષ્ટ્ર, દક્ષિણ અને મધ્ય ગુજરાતમાં કડાકા ભડાકા સાથે વરસાદ વરસી શકે છે. મંગળવારથી અમદાવાદમાં હજારો સ્કૂલવાન અને રીક્ષાના પૈડા થંભી જશે. સ્કૂલ વર્ધી વેન અને રિક્ષાચાલકો હડતાળ પર જશે. વાહન પાસિંગની પ્રક્રિયા ઝડપી કરવાની માગ કરવામાં આવી છે.