10 સિક્સર, 136 રન…ટીમ ઈન્ડિયાનો આ બેટ્સમેન બન્યો ‘સિક્સર મશીન’, રોહિતનું વધાર્યું ટેન્શન!

ટીમ ઈન્ડિયાનો યુવા વિકેટકીપર બેટ્સમેન ધ્રુવ જુરેલ હાલમાં UP T20 લીગમાં રમી રહ્યો છે જ્યાં તેના બેટથી રનનો વરસાદ થઈ રહ્યો છે. નોઈડા સુપર કિંગ્સ સામે તોફાની અડધી સદી ફટકાર્યા બાદ ધ્રુવ જુરેલે હવે કાશી રુદ્રરાજ સામે શાનદાર અડધી સદી ફટકારી છે. ધ્રુવ જુરેલે કાશી સામે 34 બોલમાં 66 રન બનાવ્યા હતા. જુરેલની આ ઈનિંગના આધારે ગોરખપુરે 20 ઓવરમાં 173 રન બનાવ્યા હતા.

જુરેલે 10 સિક્સર ફટકારી

ધ્રુવ જુરેલે UP T20 લીગમાં 10 સિક્સર ફટકારી છે. કાશી સામે 5 સિક્સર મારતા પહેલા જુરેલે નોઈડા સુપર કિંગ્સ સામે પણ 5 સિક્સર ફટકારી હતી. ધ્રુવે બતાવ્યું છે કે તે ફોર્મમાં છે અને હવે તે દુલીપ ટ્રોફી માટે પણ તૈયાર છે. જો દુલીપ ટ્રોફીમાં જુરેલનું બેટ રન કરે છે તો રોહિત શર્મા મોટી મુશ્કેલીમાં મુકાઈ શકે છે.

Dhruv Jurel’s unmatched skill — the 4️⃣s and 6️⃣s keep coming!#CricketKaMahaSangram — Watch live for free on @JioCinema and @Sports18. @UPCACricket#UPT20 #UPT20League #Cricket #UttarPradeshCricket pic.twitter.com/Eq43Y9k0G5

— UP T20 League (@t20uttarpradesh) August 27, 2024

રોહિતનું ટેન્શન વધશે!

ધ્રુવ જુરેલની આ ઈનિંગ ક્યાંકને ક્યાંક રોહિત શર્મા માટે ટેન્શનનું કારણ બની રહેશે. કારણ કે ધ્રુવ જુરેલ ઈંગ્લેન્ડ સામેની ટેસ્ટ શ્રેણીમાં રમ્યો હતો જ્યાં તેનું પ્રદર્શન સારું રહ્યું હતું. હવે આવતા મહિનાથી બાંગ્લાદેશ સામે ટેસ્ટ શ્રેણી છે, અને આ ખેલાડીને ટીમમાં તક મળશે કે નહીં તે હજુ સુધી જાણી શકાયું નથી. કારણ કે રિષભ પંત આંતરરાષ્ટ્રીય ક્રિકેટમાં પરત ફર્યો છે અને જુરેલ માટે હવે રમવું મુશ્કેલ છે.

ટીમમાં જગ્યા મળશે?

જુરેલને ટેસ્ટ ટીમમાં જગ્યા મળી શકે છે, પરંતુ પ્લેઈંગ ઈલેવનમાં સ્થાન મેળવવું તેના માટે ઘણું મુશ્કેલ હશે. ધ્રુવ જુરેલે 3 ટેસ્ટની ચાર ઈનિંગ્સમાં 63.33ની એવરેજથી 190 રન બનાવ્યા છે, જેમાં એક અડધી સદીનો સમાવેશ થાય છે. આ સિવાય તેણે બે T20 મેચ પણ રમી છે.

આ પણ વાંચો: 208 બોલમાં માત્ર 4 રન ! ઈંગ્લેન્ડમાં પિતા-પુત્રની જોડીએ હદ વટાવી

ક્રિકેટ સહિત રમતગમતના દરેક સમાચાર વાંચવા અહીં ક્લિક કરો