02 જુલાઈના મહત્વના સમાચાર : પીએમ મોદી આજે લોકસભામાં આપશે ચર્ચાનો જવાબ

વડાપ્રધાન નરેન્દ્ર મોદી આજે લોકસભામાં, રાષ્ટ્રપતિના સંબોધન પર આભાર પ્રસ્તાવ પર ચર્ચાનો જવાબ આપશે. પીએમ સાંજે 4 વાગ્યાની આસપાસ ચર્ચાનો જવાબ આપશે. ગુજરાતમાં સાર્વત્રિક વરસાદ વરસવાનુ ચાલુ છે. વિતેલા 24 કલાકમાં ગુજરાતના અનેક જિલ્લાઓ જળબંબોર થયા છે. સુલતાનપુરની એમપી એમએલએ કોર્ટે, રાહુલ ગાંધીને  આજે 2 જુલાઈએ સમન્સ પાઠવ્યા છે. રાહુલ ગાંધી માનહાનિના કેસમાં 20 ફેબ્રુઆરીથી જામીન પર છે. હવે કોર્ટે રાહુલ ગાંધીને રૂબરૂ હાજર થવાનો આદેશ આપ્યો છે.

રાજસ્થાનમાં આજથી વિધાનસભાનું બજેટ સત્ર શરૂ થશે. વિધાનસભાના સત્રમાં ભજનલાલ સરકાર પોતાનું સંપૂર્ણ બજેટ રજૂ કરશે. આ સાથે સરકાર આ જ સત્રમાં ઘણા મહત્વપૂર્ણ બિલ પણ રજૂ કરશે. મધ્યપ્રદેશમાં નર્સિંગ કૌભાંડને લઈને કોંગ્રેસ આજથી સત્યાગ્રહ કરવા જઈ રહી છે. આ સત્યાગ્રહમાં રાજ્યભરમાંથી યુવા કોંગ્રેસના કાર્યકરો ભાગ લેશે. આ સત્યાગ્રહ દ્વારા યુથ કોંગ્રેસ તત્કાલિન તબીબી શિક્ષણ મંત્રી વિશ્વાસ સારંગની ભૂમિકાની તપાસ અને તેમના રાજીનામાની માંગ કરશે. અહીં વાંચો દેશ અને દુનિયા સાથે જોડાયેલા દરેક મોટા સમાચારની અપડેટ…