હિંમતનગરમાં રખડતાં પશુઓનો આતંક, મોપેડ ચાલક મહિલાને અડફેટે લીધી, CCTV વીડિયો. જુઓ

સાબરકાંઠા જિલ્લાના મુખ્ય મથકમાં વધુ એકવાર પશુઓના આતંકનો મામલો સામે આવ્યો છે. રખડતાં પશુઓને નિયંત્રણ મેળવવામાં પાલિકા તંત્ર નિષ્ફળ રહ્યું છે, ત્યાં હવે એક મહિલાને આખલાએ અડફેટે લેતા ગંભીર ઇજાઓ પહોંચી છે. હિંમતનગર શહેરમાં બેરણાં રોડ પર આવેલા શુભ ટેનામેન્ટ પાસેથી એક મહિલા મોપેડ લઈને પસાર થઈ રહી હતી. એ દરમિયાન એક રખડતાં આખલાએ પૂરપાટ ઝડપે દોડી આવીને મહિલાને અડફેટે લીધી હતી.

એક મકાનના સીસીટીવીમાં આ ઘટના કેદ થઈ હતી. જેમાં નજર આવી રહ્યું છે કે, મહિલા મોપેડ લઈને પસાર થઈ રહી છે. એ દરમિયાન જ જમણી બાજુની એક ગલીમાંથી આખલો દોડી આવીને મહિલાને અડફેટે લઈ રહ્યો છે. મહિલાને હિંમતનગર સિવિલ હોસ્પિટલમાં ખસેડવામાં આવી હતી. બીજી તરફ સ્થાનિકોમાં પણ પાલિકા તંત્ર સામે રોષ વ્યાપી રહ્યો છે.

આ પણ વાંચો:  આ મહારાણી એક સાથે 100 પગરખાંનો વિદેશમાં આપતા ઓર્ડર, કિંમતી હીરા-મોતી જડેલા સૅન્ડલ

ગુજરાતના તમામ જિલ્લાના સમાચાર વાંચવા માટે અહીં ક્લિક કરો