![હવે માત્ર 70 રૂપિયામાં મેળવો Amazon Primeનું સબસ્ક્રિપ્શન, જાણો કેવી રીતે ઉઠાવવો લાભ](https://topsecretnewspaper.com/wp-content/uploads/2024/06/196895-755606910-845392625441807-70-322316481425957007168278690-590531722982.jpg)
હવે માત્ર 70 રૂપિયામાં મેળવો Amazon Primeનું સબસ્ક્રિપ્શન, જાણો કેવી રીતે ઉઠાવવો લાભ
- GujaratOthers
- June 11, 2024
- No Comment
- 14
![હવે માત્ર 70 રૂપિયામાં મેળવો Amazon Primeનું સબસ્ક્રિપ્શન, જાણો કેવી રીતે ઉઠાવવો લાભ](https://images.tv9gujarati.com/wp-content/uploads/2024/06/Amazon-Prime.jpg)
આજના ડિજિટલ યુગમાં મોટાભાગના લોકો તેમના ફોન પર જ કન્ટેન્ટ જોવાનું પસંદ કરે છે. જેમાં મોટાભાગના લોકો વેબ સિરીઝ જોવાનું પસંદ કરતા હોય છે. વેબ સિરીઝ ફક્ત OTT પ્લેટફોર્મ પર જ આવે છે, પરંતુ તેના સબ્સ્ક્રિપ્શનની કિંમતને કારણે ઘણા લોકો તેના પ્લાનને ખરીદતા નથી. હવે તમે 70 રૂપિયાથી પણ ઓછી કિંમતમાં Amazon Primeનો આનંદ માણી શકશો. જો તમે પણ તેના પર રિલીઝ થયેલી નવી વેબ સિરીઝ જોવા માંગો છો, તો તમે આ પ્લાન ખરીદીને જોઈ શકો છો. ચાલો આ પ્લાન વિશે વધુ જાણીએ.
થોડા સમય પહેલા કંપનીએ તેના યુઝર્સ માટે લાઇટ પ્લાન રજૂ કર્યો છે. આ પ્લાનને કારણે તમે સસ્તામાં એમેઝોન પ્રાઇમનો આનંદ માણી શકો છો. આ Amazon Prime Liteની સબ્સ્ક્રિપ્શન કિંમત 799 રૂપિયા છે જે એક વર્ષની વેલિડિટી સાથે આવે છે, જો ગણતરી કરવામાં આવે તો તેની માસિક કિંમત 70 રૂપિયાની આસપાસ થાય છે. આ પ્લાનનો ઉપયોગ કરીને તમે તમારા કોઈપણ ડિવાઈસ એટલે કે મોબાઈલ, ટેબ્લેટ અથવા ટીવી પર તમારી મનપસંદ વેબ સિરીઝનો આનંદ લઈ શકો છો.
આ પ્લાનના ફાયદા
ફાયદા વિશે વાત કરીએ તો, તમને એક દિવસની ડિલિવરીથી લઈને શેડ્યૂલ ડિલિવરી સુધીના ઘણા વિકલ્પો મળે છે, આમાં તમને તમારી પસંદગીના કન્ટેન્ટ HD ક્વોલિટી એટલે કે 720p માં જોવા મળે છે. આ સિવાય તમને આ સબસ્ક્રિપ્શનમાં પ્રાઇમ મ્યુઝિકની એક્સેસ પણ મળે છે. પરંતુ તેમાં જાહેરાતો ખૂબ જ આવે છે.
Amazon Primeનું રેગ્યુલર સબ્સ્ક્રિપ્શન
જો તમે જાહેરાતો વિના તમારું કન્ટેન્ટ જોવા માંગો છો, તો તમારે આ લાઇટ સબ્સ્ક્રિપ્શન ખરીદવું ના જોઈએ. આવી સ્થિતિમાં તમારે Amazon Primeનો રેગ્યુલર પ્લાન ખરીદવો જોઈએ. એમેઝોન પ્રાઇમના વાર્ષિક સબ્સ્ક્રિપ્શનની કિંમત 1499 રૂપિયા છે, જો તમે તેનો 3 મહિનાનો પ્લાન ખરીદવા માંગો છો, તો તમને તે 599 રૂપિયામાં મળશે. તેની માસિક કિંમત 299 રૂપિયા છે. આ યોજનાનો ઉપયોગ કરીને તમે ઘણા ડિવાઈસ પર લોગિન કરી શકો છો અને કોઈપણ પ્રોગ્રામ ડાઉનલોડ પણ કરી શકો છો.