‘હમારી છોરી છોરો સે કમ હૈ ક્યા’, આ છે ક્રિકેટ ટીમની લેડી સૂર્યા, વીડિયો જોઈ સૂર્યકુમારનો કેચ પણ ભૂલી જશો

ટી20 વર્લ્ડકપ 2024ની ફાઈનલ મેચ શનિવારના રોજ રમાઈ હતી. આ મેચમાં ભારતીય ટીમની જીત થઈ હતી.બ્રિજટાઉન, બાર્બાડોસ ખાતે ઈતિહાસ રચાયો હતો કારણ કે ભારતે સાઉથ આફ્રિકાને 7 રનથી હરાવીને 2024 T20 વર્લ્ડ કપ જીત્યો હતો. 29 જૂન 2024 ક્રિકેટ ઈતિહાસના પાનામાં લખાશે. ભારતની આ જીત સાથે ચારે બાજુથી લોકો ટીમ ઈન્ડીયાને શુભકામના પાઠવી રહ્યા હતા. કારણ કે,ફાઇનલમાં ભારતે સાઉથ આફ્રિકાને 177 રનનો ટાર્ગેટ આપ્યો હતો, જેની સામે આફ્રિકાની ટીમ માત્ર 169 રન જ બનાવી શકી હતી.

આખી મેચનો ટર્નિંગ પોઈન્ટ સાબિત થયો

એક સમયે એવું લાગતું હતુ કે, આ મેચ ભારતના હાથમાંથી જઈ રહી છે પરંતુ હાર્દિક પંડ્યાની 20મી ઓવરના પહેલા બોલ પર સૂર્યકુમાર યાદવે ડેવિડ મિલરનો જે રીતે કેચ પકડ્યો તે આખી મેચનો ટર્નિંગ પોઈન્ટ સાબિત થયો હતો. એક સમયે લાગતું હતુ કે, ડેવિડ મિલરે લાંબો શોટ રમ્યો છે અને સિક્સ તરફ જઈ રહ્યો છે, પરંતુ બાઉન્ડ્રી પાસે સૂર્યકુમાર હતો તેમણે બાઉન્ડ્રી પાસે જે રીતે કેચ લીધો છે, આ કેચના વખાણ થઈ રહ્યા છે.

Beaut @imharleenDeol #ENGvIND pic.twitter.com/ka2kRJgkNC

— Isa Guha (@isaguha) July 9, 2021

સૂર્યકુમાર યાદવના કેચ બાદ વધુ એક વીડિયો સોશિયલ મીડિયા પર વાયરલ થઈ રહ્યો છે. આ વીડિયો ભારતીય મહિલા ક્રિકેટની ખેલાડી હરલીન દેઓલનો છે. જેમણે ફીલ્ડિંગથી ક્રિકેટ ચાહકોના મન જીતી લીધા છે.હરલીને બાઉન્ડ્રી લાઈન પર સુપરવુમનની જેમ શાનદાર કેચ લીધો છે.

Congratulations to @surya_14kumar for that excellent catch under pressure! A crucial moment in a well-deserved victory. Proud of Team India for lifting the T20 World Cup after 17 years! #ChampionTeam #T20WorldCup #SuryakumarYadav pic.twitter.com/TuVJ9KiObe

— Yusuf Pathan (@iamyusufpathan) June 29, 2024

હરલીન દેઓલે કેચ પકડ્યો

આજે આપણે વાત કરી રહ્યા છે. ભારતીય મહિલા ક્રિકેટ ટીમ અને ઈંગ્લન્ડની મહિલા ટી20 ક્રિકેટની વાત. આ મેચમાં ભલે ભારતીય મહિલા ક્રિકેટ ટીમની 18 રનથી હાર થઈ હોય પરંતુ જે રીતે હરલીન દેઓલે કેચ પકડ્યો છે. જેના સૌ કોઈ વખાણ કરી રહ્યા છે. હરલીન દેઓલની ફીલ્ડિંગે સૌ કોઈના મન જીતી લીધા છે. ઈંગ્લેન્ડની વિકેટકીપર એમી સ્ટ્રાઈક પર હતી શિખા પાંડે બોલિંગ કરી રહી હતી. એમીનો કેચ સીધો બાઉન્ડ્રી પાસે ઉભેલી હરલીન પાસે જાય છે, પરંતુ હરલીને કેચ પકડવા માટે હવામાં છલાંગ લગાવી કેચ પકડ્યો હતો.