સુરત : સ્મીમેર હોસ્પિટલ ફરી વિવાદમાં સપડાઈ, દર્દીને એવી સ્થિતિમાં યુરિન સેમ્પલ લેવા મોકલ્યો કે હંગામો મચ્યો, જુઓ વીડિયો

સુરત : સ્મીમેર હોસ્પિટલ ફરી વિવાદમાં આવી છે.તાજેતરમાં તબીબ દ્વારા હોસ્ટેલમાં રંગરેલિયા મનાવવા થઇ ગર્લ લાવવા અને હોસ્ટેલમાં દારૂની મહેફિલના બે અલગ – અલગ બનાવો બાદ હવે સારવારને લઈ હોસ્પિટલ વિવાદમાં સપડાઈ છે.

સ્મીમેર હોસ્પિટલમાં દર્દીને ચડતી બોટલ સાથે યુરિનના સેમ્પલ લેવા મોકલવામાં આવતા વિવાદ સર્જાયો છે. નર્સે ચાલુ બોટલે દર્દીને રિપોર્ટ માટે યુરિન સેમ્પલ લેવા મોકલ્યો હતો. દર્દીને સેમ્પલ લેવા જતા સમયે કંઈ થઈ જાય તો જવાબદાર કોણ? તે સવાલ ઉભો થયો હતો. આ ઉપરાંત હાઇજીનને લઈને પણ સમસ્યા સર્જાય તેવો ભય નકારી શકાય નહીં.

ચાલુ બોટલમાં દર્દી સેમ્પલ લેવા જતા આપના કોર્પોરેટરે રોષ ઠાલવ્યો હતી. આ સાથે મામલો વિવાદિત બનતા જવાબદારીથી બચવા RMO અને સિક્યુરિટી સ્ટાફ એકબીજા પર ખો આપતા હોવાનું પણ જણાવ્યુ હતું.