સુરત વીડિયો : SOG એ બાંગ્લાદેશી ઘુષણખોરને ઝડપી પાડ્યો, હિન્દુ નામ ધારણ કરીને બોગસ દસ્તાવેજ બનાવવામાં પણ સફળ રહ્યો હતો

સુરત: SOGએ બાંગ્લાદેશી શખ્સની ધરપકડ કરી છે. પોલીસ સૂત્રો અનુસાર આ શખ્શએ હિન્દુ નામ ધારણ કરીને બોગસ દસ્તાવેજ બનાવ્યા હતા . જે ગેરકાયદેસરરીતે ભારતમાં રહેતો હતો. તેની પ્રવૃત્તિઓ અંગે પણ ઊંડાણપૂર્વકની તપાસ શરૂ કરવામાં આવી છે.

નોંધીય છે કે આરોપીએ બોગસ દસ્તાવેજના આધારે ભારતીય પાસપોર્ટ પણ બનાવી લીધો હતો. બોગસ આધારકાર્ડ, પાનકાર્ડ અને LC પણ બનાવી લેતા સરકારી વિભાગોની કામગીરી સામે પંપ્રશ્નાર્થ ઉભા થયા છે. પૂછપરછમાં તેણે જણાવ્યું હતું કે તે વર્ષ 2020માં સાતખીરા બોર્ડર ક્રોસ કરીને ભારતમાં ઘૂસ્યો હતો. બાંગ્લાદેશની બોર્ડર ક્રોસ કરીને તેણે ગેરકાયદે ભારતમાં ઘુષણખોરી કરી હતી.

પશ્ચિમ બંગાળના નદીયામાં જઇ બોગસ દસ્તાવેજ બનાવ્યા હતા. વર્ષ 2021થી 2023 સુધી કતારના દોહામાં શ્રમિક તરીકે કામ કર્યા બાદ સુરત ખાતે આવીને પણ બાંધકામ કરતો હતો. પોલીસે તેની અટકાયત કરી પૂછપરછ શરૂ કરી છે. આ ઘુષણખોર સાથે અન્ય કોઈ વ્યક્તિઓ પણ ગેરકાયદેસર ગુજરાતમાં આવ્યા છે કે કેમ? તેની પણ તપાસ કરવામાં આવી રહી છે.