સાણંદ GIDC સહિત ગામોમાં પણ ભરાયા વરસાદી પાણી ! 2 દિવસથી વીજળી ગુલ, જુઓ-video

અમદાવાદમાં બે દિવસ ભારે વરસાદ બાદ સ્થિતિ દૈનિય બની હતી હાલ વરસાદ બંધ છે પણ અમુક વિસ્તારોમાં પાણી હજુ ઓસર્યા નથી. ત્યારે સાણંદ GIDCમાં પાણી ભરાઈ રહેતા વિકટ પરિસ્થિતિ સર્જાઈ છે. ભારે વરસાદ બાદ GIDCના 200 એકમો હાલ બંધ હાલતમાં છે. GIDCમાં સ્ટોર્મ પાઈપલાઈ ન હોવાને કારણે અહીં પાણીનો નિકાલ કરવો મુશ્કેલ બન્યો છે અને પાણી ભરાવાના કારણે પરિસ્થિતિ દયનિય બની છે.

સાણંદ GIDCમાં પાણી ભરાતા હાલાકી

GIDCમાં પાણી ભરાવવાના કારણે કરોડોનું નુકસાન થયાનો એસોશિયેશને દાવો કર્યો છે. સાણંદ GIDCના ચેરમેન અજીત શાહે નિવેદન આપ્યું છે કે કડી તરફના પાણી સાણંદ GIDCમાં ઘૂસ્યા છે. આ સાથે GIDC નું એક સબસ્ટેશન પાણીમાં ડ઼ૂબી ગયુ છે તેમજ વિજ પુરવઠો ખોરવાવાના કારણે એકમો બંધ રહેતા કરોડોનું નુકસાન થઈ રહ્યું છે .

પાણી ભરાઈ રહેતા લોકો મુશ્કેલીમાં

આ સાથે સાણંદ તાલુકાના બોળ ગામ અગાઉ માર્ગ ઉપર પાણી ભરાયા. બોળ-સાણંદ, GIDC વડનગર રોડ ઉપર પાણી ભરતાં લોકોને મુશ્કેલીઓનો સામનો કરવો પડી રહ્યો છે. સાણંદના મોતીપુરા, શિયાવાડા અને રસુલપુરા ગામની આસપાસ પણ પાણી ભરાયા છે. સાણંદના રસૂલપુરા ગામમાં 2 દિવસથી વીજળી ગુલ, મોબાઇલ નેટવર્ક પણ નહીં. વરસાદ બંધ થવા છતાં મકાનોમાં ભરાયેલા પાણી ઓસર્યા નથી.