શું સાચે જ ? હવે તાળી અને સીટી વગાડવાથી મળી જશે જ્યાં ત્યાં મુકાઇ ગયેલો ફોન, જાણો કેવી રીતે આ ટેકનિક કામ કરશે
- GujaratOthers
- August 24, 2024
- No Comment
- 14
દુનિયામાં અલગ અલગ પ્રકારના લોકો હોય છે. કેટલાક લોકો એવા હોય છે જે પોતાના સ્માર્ટફોનને હંમેશા પોતાની નજીક જ રાખે છે અને કેટલાક લોકો એવા હોય છે કે જેઓ પોતાના સ્માર્ટફોનની પરવા કરતા નથી. આ લોકો તેમના સ્માર્ટફોન ત્યારે જ ઉપાડે છે જ્યારે તેમને કોઈ કોલ કરવાનો હોય કે કોઈનો કોલ ઉપાડવાનો હોય.ઘણી વાર તેઓ પોતાનો ફોન ક્યાં મુકી દીધો છે એ પણ ભુલી જાય છે.
ણી વખત આવા લોકોની બેદરકારીને કારણે તેઓ પોતાના સ્માર્ટફોનને ઓફિસ અને ઘરમાં રાખવાનું ભૂલી જવાય છે. જો આ સમયે સ્માર્ટફોન સાયલન્ટ મોડ પર હોય તો તેને શોધવો કોઈના માટે શક્ય નથી. કારણ કે આ સમયે સ્માર્ટફોન પર કોલ કરતી વખતે પણ સાયલન્ટ મોડને કારણે બેલ સંભળાતી નથી.
ઘણી વખત આપણે આપણા ફોનને દૂર રાખવાનું ભૂલી જઈએ છીએ. આવી પરિસ્થિતિઓમાં, ફોન શોધવામાં ઘણી વાર મુશ્કેલી પડે છે. જ્યારે આપણો ફોન સાયલન્ટ હોય છે ત્યારે આ સમસ્યા વધી જાય છે. જો કે એક એપ્સની મદદથી અને ફક્ત સીટી વગાડતા અને તાળીઓ પાડીને તમે તમારો ફોન શોધી શકો છો.
એક એપ છે Find My Phone Clap, Whistle. આ એપ પ્લે સ્ટોર પરથી સરળતાથી ડાઉનલોડ કરી શકાય છે. જ્યારે વપરાશકર્તા તાળીઓ પાડે છે અથવા સીટી વગાડે છે, ત્યારે વપરાશકર્તાના ફોનની ફ્લેશ લાઇટ ચાલુ થાય છે. આ તમને તમારા ફોનને અંધારામાં શોધવામાં મદદ કરશે.
જ્યારે તમે તાળી પાડો છો અથવા સીટી વગાડો છો, ત્યારે ફોનની રિંગ પણ વાગે છે. વપરાશકર્તાઓ તેમની પસંદગીની કોઈપણ રિંગટોન સેટ કરી શકે છે. આમાં તમને 12 વિવિધ પ્રકારના ટોન સેટ કરવાનો વિકલ્પ પણ મળે છે.
યુઝર્સે આ માટે માત્ર એક નાનું સેટઅપ કરવું પડશે. આ સિવાય કેટલીક એપ્સ એવી છે જેમાં માત્ર સીટી કે તાળી વગાડવી જરૂરી છે. ક્લૅપ ટુ ફાઇન્ડ અને વ્હીસલ ફોન ફાઇન્ડરની જેમ, ક્લૅપ ટુ ફાઇન્ડ ફોનને સાયલન્ટ મોડમાં પણ રિંગ કરવામાં મદદ કરે છે. સૌથી સારી વાત એ છે કે એપ ઇન્ટરનેટ વગર કામ કરે છે. જ્યારે વ્હિસલ ફોન ફાઇન્ડરમાં, જ્યારે તમે સીટી વગાડો છો, ત્યારે ફોનમાં અવાજ આવશે. આ ઉપરાંત, ફોનનો કેમેરા અને લાઇટ પણ તેજ બનશે. તેની મદદથી તમે તમારા ફોનને અંધારામાં પણ સરળતાથી શોધી શકો છો. આ બંને એપ એન્ડ્રોઇડ અને iOS બંને માટે ઉપલબ્ધ છે.