શું તમે પણ ઊભા ઊભા ગટગટાવો છો પાણી? તો થઈ શકે છે આ ગંભીર સમસ્યાઓ
- GujaratOthers
- June 7, 2024
- No Comment
- 13
આપણે બધા જાણીએ છીએ કે ‘જળ છે તો જીવન છે’. માનવ શરીર પણ લગભગ 70 ટકા પાણીનું બનેલું છે. જીવવા માટે આપણે સંપૂર્ણપણે પાણી પર નિર્ભર છીએ. શરીરમાં પાણીની ઉણપને કારણે લોકો ડીહાઈડ્રેશનનો શિકાર બને છે. શરીર અને તમારા શરીરના દરેક અંગને સરળતાથી કામ કરવા માટે, તમારે દરરોજ લગભગ 2 થી 3 લિટર પાણી પીવું જોઈએ. પરંતુ મોટા ભાગના લોકો પાણી પીવામાં મોટી ભૂલ કરે છે
જ્યારે ક્યાક બહારથી ઘરમાં આવીયે ત્યારે ફ્રિજ કે માટલા પાસે પહોંચી આપડે ઊભા ઊભા જ પાણી ગટગટાવી જઈએ છીએ. તો શું ઊભા રહીને પાણી પીવુ યોગ્ય છે? તમને જણાવી દઈએ કે ઉભા રહીને પાણી પીવાથી તમને ઘણી ગંભીર બીમારીઓ થઈ શકે છે.
પાચનતંત્રને નુકસાન પહોંચાડે: ઉભા રહીને પાણી પીવાથી લોકોની પાચનતંત્ર પર પણ ખરાબ અસર પડે છે. ઉભા રહીને પાણી પીવાથી પેટમાં પાણી ઝડપથી પ્રવેશે છે જેના કારણે પેટમાં નીચેના ભાગને નુકસાન થાય છે.
ફેફસાં પર ખરાબ અસરઃ ઉભા રહીને પાણી પીવાથી શરીરમાં ઓક્સિજનનું સ્તર ઘટી જાય છે. જેના કારણે ફેફસાના સ્વાસ્થ્ય પર વિપરીત અસર થાય છે.
કિડનીની સમસ્યાઃ જો તમને પહેલાથી જ કિડની સંબંધિત કોઈપણ પ્રકારની સમસ્યા છે, તો તમને સલાહ આપવામાં આવે છે કે તમે ઉભા રહીને પાણી ન પીવો. ઊભા રહીને પાણી પીવું તમારી કિડનીને નુકસાન પહોંચાડી શકે છે
સાંધાનો દુખાવો : કેટલાક અભ્યાસોમાં જાણવા મળ્યું છે કે જે લોકો ઉભા રહીને પાણી પીવે છે તેમના સાંધાને નુકસાન થાય છે અને સંધિવાના લક્ષણો વિકસે છે. મેડિકલ સાયન્સ અનુસાર ઉભા રહીને પાણી પીવાથી શરીરમાં પ્રવાહી સંતુલન પર અસર પડે છે, જેના કારણે સાંધામાં દુખાવો થાય છે.
પાણી પીવાની સાચી રીત કઈ ? : તમને જણાવી દઈએ કે આરામથી બેસીને હંમેશા પાણી પીવું જોઈએ. પાણી એકસાથે પીવાને બદલે ઘૂંટડે ઘૂંટડે પીવું જોઈએ. ધીમે ધીમે પાણી પીવાથી શરીરનું ઈલેક્ટ્રોલાઈટ સંતુલન બરાબર રહે છે અને શરીરને તમામ જરૂરી મિનરલ્સ મળી રહે છે.