રોંગ સાઇડ વાહન હંકારનારાઓ સામે ગૃહ પ્રધાનનું કડક વલણ, પોલીસ પકડે તો મને ફોન કરશો નહીં : હર્ષ સંઘવી
- GujaratOthers
- June 23, 2024
- No Comment
- 14
સુરત : કાયદાની ઐસી તૈસી કરી રોંગ સાઇડ વાહન હંકારનારાઓ રાઇટ સાઇડ જવાની આદત પડે તે માટે તંત્ર કડક પગલા લઇ રહ્યું છે. ઉલ્લેખનીય છે કે રોંગ સાઇડમાં આવતા વાહન ચાલકો પોતાની સાથે સાથે અન્ય લોકોનાં જીવને પણ જોખમ રૂપ બને છે.
પોલીસ હવે રોંગસાઇડ વાહન ચલાવતા લોકોને ભાઇ બાપા કરીને સમજાવશે નહીં. રોંગ સાઇડમાં વાહન ચલાવનારા એમ વિચારતા હોય કે જો પોલીસ પકડશે, મેમો ફાડશે અને આપણે દંડ ભરીને છુટી જઇશું તો હવે તેવું નહીં થાય!
હવે તમે રોંગ સાઇડમાં વાહન ચલાવતા ઝડપાયા તો તમારૂ નામ પોલીસ ચોપડે ચઢી જશે. આ માટે રાજ્યના ગૃહપ્રધાન હર્ષ સંઘવીએ જ પોલીસને કડક હાથે કામ લેવા આદેશ આપ્યો છે. સંધવીએ પોલીસ અધિકારીઓને આદેશ આપ્યો છે કે ચૂંટાયેલા પ્રતિનિધિઓમાંથી કોઈનો પણ ફોન આવે તો કોઈને પણ છોડશો નહીં.
હર્ષ સંઘવીએ કહ્યું કે, રોંગ સાઇડનો મેમો ફડાવતા નહીં, પોલીસે કેસ કરવાનું ચાલુ કરી નાખ્યું છે…પોલીસ પકડે તો મને ફોન કરશો નહીં , મારી ઓફિસથી ફોન આવશે તો પણ પોલીસ છોડશે નહીં…