મુકેશ અંબાણીના ઘર એન્ટિલિયાનું કેટલું આવે છે વીજ બિલ ?

ભારતના સૌથી મોટા ઉદ્યોગપતિ અને રિલાયન્સ ઇન્ડસ્ટ્રીઝના માલિક મુકેશ અંબાણીના ઘર એન્ટિલિયાની ગણતરી માત્ર ભારતમાં જ નહીં પરંતુ વિશ્વની સૌથી મોંઘી અને વૈભવી રહેણાંક ઇમારતોમાં થાય છે. અંબાણીનું ઘર એન્ટિલિયા અનેક પ્રકારની સુવિધાઓથી સજ્જ છે. આ 27 માળની ઇમારતમાં થિયેટર, સ્પા, હેલ્થકેર સેન્ટર, મંદિર, સ્વિમિંગ પૂલ, 9 મોટી લિફ્ટ્સ, હેલિપેડ અને 160થી વધુ વાહનો પાર્ક કરી શકાય એટલું મોટું પાર્કિંગ આવેલું છે.

આટલી વિશાળ ઇમારતમાં વીજળીનો ઉપયોગ માત્ર લાઇટિંગ માટે કરવામાં આવે તો પણ તે લાખોમાં હશે. એન્ટિલિયાનું કદ એટલું મોટું છે કે તેને હાઇટેન્શન ઇલેક્ટ્રિકલ કનેક્શનની જરૂર પડે છે. વિવિધ પબ્લિક ડોમેઈનમાં ઉપલબ્ધ માહિતી અનુસાર, મુકેશ અંબાણીના ઘરમાં દર મહિને લગભગ 6,37,240 યુનિટ વીજળીનો વપરાશ થાય છે. તેથી તેનું સરેરાશ વીજળીનું બિલ લગભગ રૂ. 70 લાખ અને ક્યારેક તેનાથી પણ વધુ આવે છે.

એન્ટિલિયાને તૈયાર કરવામાં કેટલા પૈસા અને સમય લાગ્યો ?

આર્કિટેક્ચરે 1.120 એકર વિસ્તારમાં 568 ફૂટ ઉંચી ઈમારતને એવી અદ્ભુત રીતે ડિઝાઇન કરી છે કે તે મુલાકાતીઓને ખૂબ જ પસંદ આવી રહી છે. બિલ્ડિંગનું બાંધકામ 2006 માં શરૂ થયું હતું અને લગભગ 1 બિલિયન ડોલરના ખર્ચે 2010માં પૂર્ણ થયું હતું. બિલ્ડિંગના દરેક ફ્લોરને અલગ-અલગ મોંઘી વસ્તુઓ સાથે અનોખી રીતે ડિઝાઇન કરવામાં આવી છે. એન્ટિલિયાને એવી રીતે ડિઝાઇન કરવામાં આવ્યું છે કે તે 8 તીવ્રતા સુધીના ભૂકંપનો સામનો કરી શકે છે. એન્ટિલિયા એ અલ્ટામાઉન્ટ રોડ, કુમ્બલા હિલ, મુંબઈ ખાતે આવેલું છે.

એન્ટિલિયામાં 600 લોકોનો સ્ટાફ છે

આટલી મોટી ઇમારતને સરળતાથી ચલાવવા માટે અંબાણીએ 600 લોકોનો સ્ટાફ રાખ્યો છે. વિવિધ પબ્લિક ડોમેઈનમાં ઉપલબ્ધ માહિતી અનુસાર, મુકેશ અંબાણીના એન્ટિલિયામાં કામ કરતા કર્મચારીઓનો પગાર મહિને 1.5 લાખથી 2 લાખ રૂપિયા છે. પગારની સાથે સાથે બાળકો માટે મેડિકલ ભથ્થુ અને શિક્ષણ ભથ્થુ પણ આપવામાં આવે છે.