માત્ર એક્ટિંગ જ નહીં આ બોલિવુડ સ્ટાર રસોઈ બનાવવાના પણ છે શોખીન, જુઓ કોણ કોણ છે આ સ્ટાર
- GujaratOthers
- September 10, 2024
- No Comment
- 6
ફિલ્મ ઈન્ડસ્ટ્રીમાં કેટલાક સ્ટાર એવા છે જે પોતાના ટેલેન્ટને લઈ ખુબ ચર્ચામાં રહે છે. આજે આપણે એવા સ્ટાર વિશે વાત કરીશું જેમને રસોઈ બનાવવાનો ખુબ શોખ છે. તો ચાલો જોઈએ કોણ છે એ સ્ટાર જે રસોઈ બનાવવાના શોખીન છે.
સિદ્ધાર્થ મલ્હોત્રા બોલિવુડનો જાણીતો ચહેરો છે. તેમણે બોલિવુડની સુપરગર્લ અભિનેત્રી કિયારા સાથે લગ્ન કર્યા છે. એક ઈન્ટવ્યુમાં કિયારાએ કહ્યું હતુ કે, સિદ્ધાર્થને રસોઈ બનાવવી ખુબ પસંદ છે. તે સારી એવી રસોઈ બનાવે છે.
અક્ષય કુમાર ફિલ્મી પડદા પર પોતાની એક્ટિંગ અને સ્ટાઈલ માટે ફેમસ છે. પરંતુ રિયલ લાઈફમાં તેમને રસોઈ બનાવવી ખુબ પસંદ છે. એક ઈન્ટરવ્યુ દરમિયાન તેમણે કહ્યું હતુ કે, રવિવારે તે બાળકો માટે અલગ અલગ રસોઈ બનાવે છે.અક્ષયે પ્રખ્યાત રસોઈ શો માસ્ટર શેફ ઈન્ડિયાને પણ હોસ્ટ કરી ચૂક્યો છે.
બોલિવુડ સ્ટાર અજય દેવગન પણ આ લિસ્ટમાં સામેલ છે. એક ઈન્ટરવ્યુ દરમિયાન તેમની પત્નીએ ખુલાસો કર્યો હતો કે, અજય દેવગન તમામ રસોઈ બનાવી લે છે. તે ઈન્ડિયન થી લઈ ચાઈનીઝ વાનગી સરળતાથી બનાવી લે છે. સ્ટારે કહ્યું કે, તેમને રસોઈ બનાવવાની કળા પિતા પાસેથી મળી છે.
હાલમાં અનન્યા પાંડેનો એક વીડિયો ખુબ વાયરલ થયો હતો. જેમાં તે ફરાહ ખાનના યુટ્યુબ ચેનલ પર એક ફુડ વ્લોગમાં જોવા મળી રહી છે. જેમાં અનન્યા પોતાના પરિવાર સાથે રસોઈ બનાવતી જોવા મળી રહી છે.