![ગુજરાતમાં મેઘરાજાએ કરી ઝમાવટ, વિસાવદરમાં ખાબક્યો ચાર ઈંચ વરસાદ, છેલ્લા 12 કલાકમાં 88 તાલુકામાં થઈ મેઘમહેર- Video](https://topsecretnewspaper.com/wp-content/uploads/2024/06/199470-182776862459601089784020563-527302533654643673725050-670063988-545.jpg)
ગુજરાતમાં મેઘરાજાએ કરી ઝમાવટ, વિસાવદરમાં ખાબક્યો ચાર ઈંચ વરસાદ, છેલ્લા 12 કલાકમાં 88 તાલુકામાં થઈ મેઘમહેર- Video
- GujaratOthers
- June 25, 2024
- No Comment
- 10
ગુજરાતમાં હવે મેઘરાજાએ તોફાની બેટિંગ શરૂ કરી દીધી છે.આજના દિવસે છેલ્લા 12 કલાકમાં 88 તાલુકામાં મેઘમહેર થઈ છે. જેમા સૌથી વધુ વરસાદ જુનાગઢના વિસાવદરમાં પડ્યો છે. વિસાવદમાં એકસાથે ચાર ઈંચ વરસાદ ખાબકી જતા રસ્તાઓ પાણી પાણી થયા છે. નદીઓમાં નવા નીરની આવક થઈ છે.
સરેરાશ વરસાદની વાત કરીએ તો રાજ્યમાં 5 ટકા વરસાદ પડ્યો છે. જેમા ઉત્તર ગુજરાતમાં 2 ટકા, મધ્ય ગુજરાતમાં 4 ટકા, સૌરાષ્ટ્રમાં 6 ટકા, દક્ષિણ ગુજરાતમાં 6 ટકા વરસાદ ખાબક્યો છે. આ તરફ બનાસકાંઠામાં અઢી ઈંચ વરસાદ ખાબક્યો છે તો પાટણમાં સિદ્ધપુર, સરસ્વતી, ચાણસ્મા સહિતના વિસ્તારોમાં વરસાદ પડ્યો. ભારે વરસાદ બાદ ગરનાળામાં પાણી ભરાયા અને નીચાણવાળા વિસ્તારો જળમગ્ન બન્યા છે. પાટણ ST ડેપોમાં ઘૂંટણસમા પાણી ભરાયા છે.
ગીર સોમનાથના તાલાલા- વેરાવળના કેટલાક ગામોમાં વરસાદ પડ્યો. જેમા વેરાવળના માથાસુરીયા, લુંભા, અને કોડીધ્રા ગામે વરસાદ થયો. આંબળાસ ગામમાં સારો વરસાદ થતા રસ્તાઓ પાણી પાણી થયા છે. તો માથાસુરીયા ગામે વોકળાઓમાં ધસમસતો પ્રવાહ વહેતો થયો છે.