આજનું હવામાન : મેઘરાજા સમગ્ર ગુજરાતને ધમરોળશે ! ગુજરાતના કેટલાક જિલ્લાઓમાં કડાકા ભડાકા સાથે અતિભારે વરસાદની આગાહી, જુઓ Video

હવામાન વિભાગની આગાહી અનુસાર આજે રાજ્યમાં ગાજવીજ સાથે ભારે વરસાદ વરસે તેવી શક્યતા છે. રાજ્યમાં આગામી 5 દિવસ વરસાદની આગાહી કરવામાં આવી છે. આજે અને આવતીકાલે ગુજરાતના કેટલાક જિલ્લાઓમાં પણ અતિ ભારે વરસાદ પડે તેવી સંભાવના છે.આજે સુરત, નવસારી, વલસાડ, દાદરા નગર હવેલીમાં અતિ ભારે વરસાદની આગાહી કરવામાં આવી છે.

અતિભારે વરસાદની આગાહી

બીજી તરફ બનાસકાંઠા, પાટણ, મહેસાણા, સાબરકાંઠા, અરવલ્લી, દાહોદ, મહીસાગર, છોટાઉદેપુર, ભરૂચ, ડાંગ, તાપી, સુરેન્દ્રનગર, જામનગર, જુનાગઢ ,અમરેલી, ભાવનગર મોરબી, દ્વારકા, ગીર સોમનાથ, કચ્છ અને દીવમાં અતિ ભારે વરસાદની આગાહી વ્યક્ત કરવામાં આવી છે.

રાજ્યમાં કેટલુ રહેશે તાપમાન ?

હવામાન વિભાગની આગાહી અનુસાર આજે અમદાવાદ, આણંદ, ભરૂચ, ગાંધીનગર, ગીર સોમનાથ, ખેડા, મહેસાણા, નર્મદા, વડોદરા, તાપી, સુરત સહિતના જિલ્લાઓમાં 31 ડિગ્રી મહત્તમ તાપમાન રહે તેવી સંભાવના છે.

બીજી તરફ અમરેલી, ભાવનગર, દેવભૂમિ દ્વારકા, જામનગર, મોરબી, રાજકોટ સહિતના જિલ્લાઓમાં 32 ડિગ્રી મહત્તમ તાપમાન રહે તેવી સંભાવના છે. દાહોદમાં 29 ડિગ્રી મહત્તમ તાપમાન રહે તેવી સંભાવના છે. આ તરફ વલસાડ, સાબરકાંઠા, પંચમહાલ, નવસારી, મહીસાગર, છોટાઉદેપુર, બનાસકાંઠા, અરવલ્લીમાં 30 ડિગ્રી મહત્તમ તાપમાન રહે તેવી સંભાવના છે.