MLA ને ‘વિકેટ’ પાડી દેવાની ધમકી મળતા નોંધાયો ગુનો, પોલીસે હાથ ધરી તપાસ

MLA ને ‘વિકેટ’ પાડી દેવાની ધમકી મળતા નોંધાયો ગુનો, પોલીસે હાથ ધરી તપાસ

MLA ને ‘વિકેટ’ પાડી દેવાની ધમકી મળતા નોંધાયો ગુનો, પોલીસે હાથ ધરી તપાસ

જાણે કે દિવસેને દિવસે પોલીસનો ખોફ ઓસરી રહ્યો હોય તેવી ઘટનાઓ સામે આવી રહી છે. અમદાવાદમાં સામાન્ય નાગરિકો તો ઠીક પરંતુ એક ધારાસભ્ય પણ સુરક્ષિત નહીં હોવાની ઘટના સામે આવી છે. અમદાવાદના ધારાસભ્યને તેના જ પાડોશીએ ધ્યાનથી મારી નાખવાની ધમકી આપી, તેમના પરિવારને પણ ડરાવી ધમકાવ્યા હતા. જો કે આ સમગ્ર મામલો હવે પોલીસ મથક સુધી પહોંચ્યો છે. ધારાસભ્ય દ્વારા તેમના પાડોશીઓ વિરુદ્ધ ફરિયાદ નોંધવામાં આવી છે.

ઘટના અંગે રાજ્યના મુખ્યપ્રધાન ભૂપેન્દ્ર પટેલને પણ પત્ર લખીને ઈમરાન ખેડાવાલાએ રજૂઆત કરી છે. તેઓએ રજૂઆત કરી છે કે, દાખલારુપ કાર્યવાહી આ મામલે કરવામાં આવે. પોલીસે ગુનો નોંધીને આરોપીની શોધખોળ હાથ ધરી છે.

પાડોશીએ આપી ધમકી

અમદાવાદના કોંગ્રેસના ધારાસભ્ય ઇમરાન ખેડાવાળાને તેમના પાડોશી ઈરફાન ઉર્ફે સ્ટીલ ગોરી નામના વ્યક્તિએ મારી નાખવાની ધમકીઓ આપી છે. ધારાસભ્ય ઇમરાન ખેરાવાળા અને તેમના ભત્રીજી તેમજ પરિવારના સભ્યોને ઘરે આવી અને ધમકી આપવાનો કિસ્સો સામે આવ્યો હતો. સમગ્ર ઘટનાને લઈને ધારાસભ્ય ઇમરાન ખેડાવાલાએ ગાયકવાડ પોલીસ મથકમાં ફરિયાદ નોંધાવી છે.

જે બાદ તેઓ પોલીસ કમિશનરને પણ મળવા પહોંચ્યા હતા તેમજ આવા અસામાજિક તત્વો વિરુદ્ધ કાયદેસરની કાર્યવાહી કરવા મુખ્યમંત્રી તેમજ ગૃહ રાજ્યમંત્રીને પણ પત્ર લખ્યો છે. મહત્વનું છે કે ઇમરાન ખેડાવાલા નાં મકાનનું કામકાજ ચાલી રહ્યું હતુ. જેને લઈને પાડોશી ઈરફાન ઉર્ફે સ્ટીલ ગોરીએ ધાકધમથીઓ આપી હતી અને હું તમને મકાન નહીં બનાવા દઉં, હું તમને જોઈ લઈશ તેમ કહી બોલાચાલી કરી હતી. એટલું જ નહીં જો તમે પોલીસ ફરિયાદ કરી તો ઇમરાન ખેડાવાલાની વિકેટ પાડી દઈશ તેવા પણ ધમકીઓ આપી હતી.

નશીલા પદાર્થ વેચનારાઓનો હાથ?

ઇમરાન ખેડાવાલાના મત મુજબ તેઓ તેમના વિસ્તારમાં ડ્રગ્સ અને નસીલી કફસીરપ અંગે અનેક વખત મુહીમ ચલાવતા હોય છે અને ડ્રગ્સ ને નાબૂદ કરવા માટે તેમના વિસ્તારમાં ડ્રગ વેચતા લોકો તેમજ સેવન કરતાં લોકોના નામની રજૂઆત પણ પોલીસને કરતા હોય છે. જેનો દ્વેષભાવ રાખીને તેમને આ ધાકધમકીઓ આપતા હોવાનું તેઓ માની રહ્યા છે. મકાનનું બહાનું આગળ ધરી અસામાજિક તત્વો તેમને ધમકીઓ આપતા હોવાની પણ રજૂઆત તેમણે પોલીસ કમિશનર સમક્ષ કરી છે.

હાલ તો ગાયકવાડ પોલીસ પોલીસે ધારાસભ્ય અને તેના પરિવારની ધમકી આપવાના કેસમાં IPC 506 B અને 294 ની કલમ હેઠળ ગુનો નોંધી આરોપીઓની શોધખોળ હાથ ધરી છે, પરંતુ ધારાસભ્યને મળેલી ધમકીના બનાવને લઈને પોલીસની કામગીરી સામે ચોક્કસ સવાલો ઉઠી રહ્યા છે.

આ પણ વાંચો:  આ મહારાણી એક સાથે 100 પગરખાંનો વિદેશમાં આપતા ઓર્ડર, કિંમતી હીરા-મોતી જડેલા સૅન્ડલ

ગુજરાતના તમામ જિલ્લાના સમાચાર વાંચવા માટે અહીં ક્લિક કરો

Related post

Breaking News : પેપર લીક કેસમાં પટનામાંથી 4 ઉમેદવારોની ધરપકડ… પકડાયેલા ઉમેદવારોએ NEETમાં કેટલા માર્ક્સ મેળવ્યા?

Breaking News : પેપર લીક કેસમાં પટનામાંથી 4 ઉમેદવારોની…

NEET UG 2024 : ઇકોનોમિક ઓફેન્સીસ યુનિટ NEET UG 2024 પેપર લીક કેસની તપાસ કરી રહી છે. આ કેસમાં પટનામાંથી ચાર…
Gandhinagar Video : આજે CM ભૂપેન્દ્ર પટેલની અધ્યક્ષતામાં કેબિનેટ બેઠક મળશે,રાજકોટ અગ્નિકાંડના SITના રિપોર્ટ અંગે થશે ચર્ચા

Gandhinagar Video : આજે CM ભૂપેન્દ્ર પટેલની અધ્યક્ષતામાં કેબિનેટ…

ગાંધીનગરમાં મુખ્યપ્રધાન ભૂપેન્દ્ર પટેલની અધ્યક્ષતામાં કેબિનેટ બેઠક મળશે.કેબિનેટ બેઠકમાં આજે અનેક મુદ્દાઓ પર ચર્ચા કરવામાં આવશે. રાજકોટ TRP ગેમઝોન અગ્નિકાંડ SIT…
વલસાડમાં વરસાદે પ્રિમોન્સૂન કામગીરીની પોલ ખોલી, અનેક વિસ્તારોમાં વરસાદી પાણી ભરાયા, જુઓ વીડિયો

વલસાડમાં વરસાદે પ્રિમોન્સૂન કામગીરીની પોલ ખોલી, અનેક વિસ્તારોમાં વરસાદી…

વલસાડ : વલસાડ તાલુકામાં વાતાવરણમાં પલટો આવ્યો છે. છેલ્લા કેટલાક દિવસના રીસામણા બાદ ફરી વરસાદ મનમુકીને વરસ્યો હતો. વલસાડ તાલુકામાં ભારે…

Leave a Reply

Your email address will not be published. Required fields are marked *