KTM લાવી રહ્યું છે ઓટોમેટિક ગિયરબોક્સવાળું બાઇક, વારંવાર ગિયર બદલવાની ઝંઝટમાંથી મળશે છુટકારો

KTM લાવી રહ્યું છે ઓટોમેટિક ગિયરબોક્સવાળું બાઇક, વારંવાર ગિયર બદલવાની ઝંઝટમાંથી મળશે છુટકારો

KTM લાવી રહ્યું છે ઓટોમેટિક ગિયરબોક્સવાળું બાઇક, વારંવાર ગિયર બદલવાની ઝંઝટમાંથી મળશે છુટકારો

બાઇક ચલાવતી વખતે વારંવાર ગિયર બદલવાની જરૂર પડે છે. જો તમારે બાઈકની સ્પીડને વધારવી કે ઘટાડવી હોય તો ક્લચ દબાવીને ગિયર બદલવો પડે છે. તો કારમાં પણ આ જ સિસ્ટમ હોય છે. પરંતુ કારમાં ઓટોમેટિક ગિયરબોક્સ આવવા લાગ્યા છે, જેના કારણે લોકોને વારંવાર ગિયર બદલવાની ઝંઝટમાંથી મુક્તિ મળી છે. પરંતુ બાઇકની બાબતમાં આવું નથી. આજે પણ મોટાભાગની બાઇક મેન્યુઅલ ગિયરબોક્સ સાથે આવે છે. જો કે, KTM એ નવા બાઇકનું ટીઝર રિલીઝ કર્યું છે, જે AMT ગિયરબોક્સ સાથે આવશે.

એડવેન્ચર અને સ્પોર્ટ્સ બાઇક બનાવવા માટે જાણીતી KTM એ નવી બાઇકની ઝલક બતાવી છે. તેનું નામ KTM 1390 સુપર એડવેન્ચર છે. આ બાઇકની સૌથી મોટી ખાસિયત એ છે કે તેમાં ઓટોમેટિક ગિયરબોક્સનો સપોર્ટ હશે. ઓટોમેટિક ટ્રાન્સમિશન ટેક્નોલોજી મોટરસાઇકલના સર્વાંગી વિકાસને વેગ આપશે.

KTM બાઇકમાં ઓટોમેટિક ગિયરબોક્સ

KTMની નવી મોટરસાઇકલમાં ઓટોમેટેડ મેન્યુઅલ ટ્રાન્સમિશન (AMT) ગિયરબોક્સનો ઉપયોગ કરવામાં આવ્યો છે. આ દર્શાવે છે કે મોટરસાઇકલનો વિકાસ ઝડપથી ઓટોમેટિક ટ્રાન્સમિશન તરફ આગળ વધી રહ્યો છે. આપણે પહેલેથી જ કારમાં ઓટોમેટિક ગિયરની ટેક્નોલોજી જોઈ રહ્યા છીએ, પરંતુ બાઇક માટે આ એકદમ ખાસ છે.

આ રીતે બાઇકના ગિયર બદલાશે

KTM એ ઓટોમેટિક ગિયરબોક્સ સાથે બતાવેલી બાઇક હકીકતમાં એક પ્રોટોટાઇપ છે. તેમાં ફૂટ ગિયર લીવર છે અને ગિયર બદલવા માટે હેન્ડલબાર પર બટન આપેલા છે. આ બાઇકમાં કોઈ ક્લચ લીવર નથી, જેનો અર્થ છે કે તમે ગિયર બદલવા માટે માત્ર ફૂટ લીવર અથવા હેન્ડલબાર બટનનો ઉપયોગ કરી શકો છો. KTM એ તેમાં ઓટો મોડ આપ્યો છે, જેથી તમે ગિયર બદલવાની ચિંતા વગર બાઇક ચલાવી શકશો.

KTMની નવી બાઇકમાં ઓટોમેટિક ગિયરબોક્સ કંઈ નવું નથી. આ પહેલા BMW અને Honda પણ ઓટોમેટિક ગિયરવાળી બાઇક લોન્ચ કરી ચૂકી છે. KTMની AMT સિસ્ટમ હોન્ડાના ડ્યુઅલ ક્લચ ટ્રાન્સમિશન (ડીસીટી)થી અલગ છે જેમાં KTMની સિસ્ટમ ગિયર્સ બદલવા માટે ડ્યુઅલ ક્લચ સિસ્ટમને બદલે ઇલેક્ટ્રિકલ એક્ટ્યુએટર પર આધાર રાખે છે.

હોન્ડાનું DCT બટન અથવા ઓટોમેટિક કોગ ચેન્જ સાથે મેન્યુઅલી ગિયર બદલવાની પણ સુવિધા આપે છે. તો KTM નું AMT ગિયર લીવર દ્વારા મેન્યુઅલી ગિયર્સ બદલવાની સુવિધા આપે છે.

Related post

T20 World Cup 2024માં એક પણ મેચ ન જીતી શકી 4 ટીમ, એક ટેસ્ટ મેચ રમનાર દેશ પણ સામેલ

T20 World Cup 2024માં એક પણ મેચ ન જીતી…

ટી20 વર્લ્ડકપ 2024નો ખિતાબ જીતવાની રેસમાં 8 ટીમ છે, પાકિસ્તાન અને ન્યુઝીલેન્ડ જેવી ટીમ પહેલી વખત પહેલા રાઉન્ડમાંથી બહાર થઈ ચુકી…
ભરૂચ : મૌસમનો પહેલો વરસાદ વરસાદ લોકોમાં આનંદની લાગણી, ધરતીપુત્રોને હાશકારો, જુઓ વીડિયો

ભરૂચ : મૌસમનો પહેલો વરસાદ વરસાદ લોકોમાં આનંદની લાગણી,…

ભરૂચ : દક્ષિણ ગુજરાતમાં સુરત સુધી મહેર કર્યા બાદ મેઘરાજાએ રીસામણા લીધા હતા. ભરૂચમાં મૌસમની શરૂઆતમાં મેઘરાજા ક્યારે હાજરી પૂરાવશે તે…
વલસાડ : ધરમપુર વિસ્તારમાં વરસાદી માહોલના કારણે લોકોએ  ગરમીમાં રાહત અનુભવી, જુઓ વીડિયો

વલસાડ : ધરમપુર વિસ્તારમાં વરસાદી માહોલના કારણે લોકોએ  ગરમીમાં…

વલસાડ : દક્ષિણ ગુજરાતમાં વલસાડમાં પણ ધરમપુર વિસ્તારમાં વરસાદી માહોલના કારણે લોકોએ  ગરમીમાં રાહત અનુભવી છે. દક્ષિણ ગુજરાતમાં ચોમાસુ અટકી ગયા…

Leave a Reply

Your email address will not be published. Required fields are marked *