Dividend: ભારે વેચાણને કારણે Maruti Suzukiનો નફો 48% વધ્યો, કંપની આપશે તેના ઈતિહાસનું સૌથી મોટું ડિવિડન્ડ, જાણો

Dividend: ભારે વેચાણને કારણે Maruti Suzukiનો નફો 48% વધ્યો, કંપની આપશે તેના ઈતિહાસનું સૌથી મોટું ડિવિડન્ડ, જાણો

Dividend: ભારે વેચાણને કારણે Maruti Suzukiનો નફો 48% વધ્યો, કંપની આપશે તેના ઈતિહાસનું સૌથી મોટું ડિવિડન્ડ, જાણો

દેશની સૌથી મોટી કાર મેન્યુફેક્ચરિંગ કંપની મારુતિ સુઝુકી ઈન્ડિયાનો ચોખ્ખો નફો ગયા નાણાકીય વર્ષ 2023-24ના ચોથા ક્વાર્ટરમાં 47.8 ટકા વધીને રૂપિયા 3,877.8 કરોડ થયો છે. કંપનીનો નફો મુખ્યત્વે મજબૂત વેચાણ અને સાનુકૂળ ભાવને કારણે વધ્યો છે. નાણાકીય વર્ષ 2022-23ના સમાન ક્વાર્ટરમાં ઓટો કંપનીનો ચોખ્ખો નફો 2,623.6 કરોડ રૂપિયા હતો.

મારુતિ સુઝુકીએ શુક્રવારે જણાવ્યું હતું કે, કંપનીએ ગયા નાણાકીય વર્ષમાં 20 લાખ વાહનોનું વેચાણ કર્યું હતું, જે અત્યાર સુધીનું સૌથી વધુ છે. કંપની સતત ત્રીજા વર્ષે ટોચની નિકાસકાર રહી. હવે ભારતમાંથી કુલ પેસેન્જર વાહનોની નિકાસમાં તેનું યોગદાન 41.8 ટકા છે.

શેરધારકોને ડિવિડન્ડ મળશે

મારુતિ સુઝુકી ઈન્ડિયાના બોર્ડે નાણાકીય વર્ષ 2023-24 માટે શેર દીઠ 125 રૂપિયાના વર્ષના અંતે ડિવિડન્ડની ભલામણ કરી છે. મારુતિના ઈતિહાસમાં આ સૌથી મોટો ડિવિડન્ડ છે. મારુતિ સુઝુકી ઈન્ડિયાએ જુલાઈ 8, 2004થી અત્યાર સુધીમાં 20 વખત ડિવિડન્ડ જાહેર કર્યું છે. છેલ્લા 12 મહિનામાં કંપનીએ શેર દીઠ રૂપિયા 90નું ઇક્વિટી ડિવિડન્ડ જાહેર કર્યું છે. વર્તમાન શેરના ભાવે કંપનીની ડિવિડન્ડ યીલ્ડ 0.71 ટકા છે. કંપનીએ વર્ષ 2023માં 90 રૂપિયા અને વર્ષ 2022માં 60 રૂપિયાનું ડિવિડન્ડ આપ્યું હતું.

મારુતિ સુઝુકી ઈન્ડિયાના શેરની શું હાલત છે?

શુક્રવારે બોમ્બે સ્ટોક એક્સચેન્જમાં મારુતિ સુઝુકી ઈન્ડિયાનો શેર ઘટાડા સાથે બંધ થયો હતો. કંપનીનો શેર 1.70 ટકા અથવા રૂપિયા 219.05 ઘટીને રૂપિયા 12,687.05 પર બંધ થયો હતો. આ શેરની 52 સપ્તાહની ઊંચી સપાટી 13,066.85 રૂપિયા છે. જ્યારે 52 સપ્તાહની નીચી કિંમત 8,470 રૂપિયા છે. શુક્રવારે BSE પર મારુતિ સુઝુકી ઈન્ડિયાનું માર્કેટ કેપ રૂપિયા 3,98,884.12 કરોડ પર બંધ થયું હતું.

મહત્વનું છે કે ભારતના લોકો મારૂતી સુઝુકી ચલાવવાનું વધારે પસંદ કરે છે કારણ કે મારૂતી સુઝુકીની કાર સસ્તામાં અને વધારે એવરેજ આપે છે, જો કે ભારતમાં મારૂતી સુઝુકીના અનેક પ્લાન્ટ આવેલા છે પણ તેનો સૌથી મોટો પ્લાન્ટ સાણંદમાં છે, આ પ્લાન્ટમાં હવે ટુંક સમયમાં ઈલેક્ટ્રિક કાર પણ બનાવવામાં આવશે તેવુ મારૂતી સુઝુકી દ્વારા વાઈબ્રન્ટ ગુજરાત સમીટ 2024માં મારૂતી સુઝુકી દ્વારા કહેવામાં આવ્યું હતું.

આ પણ વાંચો: Swiggy IPO : સ્વિગી લાવશે 1.25 બિલિયન ડોલરનો IPO, સેબીમાં જમા કરાવ્યા ડોક્યૂમેંટ

Related post

અરવલ્લીઃ મોડાસામાં વોટર પાર્કને સીલ કરાયો, તંત્રએ હાથ ધરી કાર્યવાહી, જુઓ

અરવલ્લીઃ મોડાસામાં વોટર પાર્કને સીલ કરાયો, તંત્રએ હાથ ધરી…

અરવલ્લી જિલ્લામાં પણ લાઈસન્સ વિના જ ચાલતી રાઈડ્સ અને ગેમ ઝોનને લઈ તંત્ર હવે એકાએક જાગૃત થયું હોય એમ કાર્યવાહી હાથ…
ટીઆરપી ગેમ ઝોનની ફાયર એનઓસી મુદ્દે કોણ સાચુ ? રાજકોટ પોલીસ કમિશનર કે ચીફ ફાયર ઓફિસર ? જુઓ વીડિયો

ટીઆરપી ગેમ ઝોનની ફાયર એનઓસી મુદ્દે કોણ સાચુ ?…

રાજકોટના ટીઆરપી ગેમ ઝોનમાં લાગેલી આગમાં 28 ના મોત થયા બાદ પણ, તંત્ર દ્વારા કંઈક છુપાવાતુ હોવાનું લોકો કહી રહ્યાં છે.…
Explainer– ચૂંટણી પછી સોનાના ભાવ કેમ વધે છે, શું આ વખતે પણ બનશે રેકોર્ડ?

Explainer– ચૂંટણી પછી સોનાના ભાવ કેમ વધે છે, શું…

વિશ્વમાં જો કોઈ એસેટને સૌથી વધુ સુરક્ષિત માનવામાં આવી હોય તો તે સોનુ છે. સોનાએ રોકાણકારોને ક્યારેય નિરાશ કર્યા નથી. જો…

Leave a Reply

Your email address will not be published. Required fields are marked *