સોના ચાંદીના ભાવમાં અંજાઈ જવાય તેવો ચળકાટ, જાણો આજે કિંમતી ધાતુઓની કિંમતમાં કેટલો વધારો થયો?

વૈશ્વિક બજારમાં સોના અને ચાંદીના ભાવમાં થયેલા મજબૂત વધારાની અસર સ્થાનિક બુલિયન માર્કેટ પર જોવા મળી રહી છે. એમસીએક્સ પર બંનેના ભાવમાં બમ્પર વધારો નોંધાઈ રહ્યો છે.સોનુ પ્રતિ તોલા 400 અને ચાંદી પ્રતિ કિલો 500 રૂપિયાના ઉછાળા સાથે સવારે 11.30 વાગે કારોબાર કરતા જોવા મળ્યા હતા.

ડૉલર ઈન્ડેક્સમાં નરમાઈથી બુલિયન માર્કેટને સપોર્ટ મળી રહ્યો છે. COMEX પર સોનાની કિંમત 2000 ડૉલરની નજીક પહોંચી ગઈ છે. રોકાણકારો યુએસ FED મિનિટ્સ પર નજર રાખી રહ્યા છે, જેમાં વ્યાજદર સંબંધિત મહત્વપૂર્ણ સંકેતો મળી શકે છે.

સ્થાનિક બજારમાં સોનું ચમક્યું

સ્થાનિક વાયદા બજારમાં સોના અને ચાંદીના ભાવમાં મજબૂત વધારો જોવા મળી રહ્યો છે. MCX પર સોનાની કિંમત 380 રૂપિયા મોંઘી થઈ ગઈ છે. 10 ગ્રામ સોનાનો ભાવ 61034 રૂપિયા પર પહોંચી ગયો છે. ચાંદીની કિંમત પણ 600 રૂપિયા વધીને 73200 રૂપિયા પ્રતિ કિલોને પાર પહોંચી ગઈ હતી .

આંતરરાષ્ટ્રીય બજારમાં સોનું

COMEX પર સોનાની કિંમત $2000 પ્રતિ ઓન્સની નજીક પહોંચી ગઈ છે. હાલમાં પ્રતિ ઓન્સ $1993 પર ટ્રેડિંગ થઈ રહ્યું છે. ચાંદીમાં પણ લગભગ 1 ટકાનો ઉછાળો છે. COMEX પર ચાંદીની કિંમત $23.82 પ્રતિ ઓન્સ પર પહોંચી ગઈ છે. નબળા ડોલરના કારણે સોનાના ભાવમાં વધારો જોવા મળી રહ્યો છે. રોકાણકારો આજે મોડી સાંજે FED મિનિટ આવવાની રાહ જોઈ રહ્યા છે.

આ પણ વાંચો : સબકા સપના મની મની : કરોડપતિ બનવુ હવે મુશ્કેલ નથી, સેલેરીમાંથી માત્ર 11 હજાર રુપિયાનું રોકાણ કરી બનશો માલામાલ

સોનુ કેમ મોંઘુ હોય છે?

તમને જણાવી દઈએ કે સોનું કાઢવાની પદ્ધતિ એટલે કે તેની આખી પ્રક્રિયા ઘણી લાંબી અને ખર્ચાળ છે. આ પ્રક્રિયામાં પણ ઘણો સમય લાગે છે જેના કારણે સોનું ઘણું મોંઘું છે. સોનું પ્રકૃતિમાં સ્વતંત્ર રીતે અને સંયુક્ત સ્વરૂપે જોવા મળે છે અને શુદ્ધ સોનું સોનાના અયસ્કમાંથી મેળવવામાં આવે છે.

આ પણ વાંચો : પીએમ મોદીએ ડ્રેસિંગરૂમમાં રોહિત-વિરાટની પીઠ થપથપાવતા કહ્યું- ‘નિરાશ ના થાઓ, 10-10 મેચ જીતી અહીં પહોંચ્યા છો’