સીઆર પાટીલે 26 બેઠકો પર 5 લાખની લીડનો બતાવ્યો મંત્ર, કહ્યું-આ રીતે કરાશે કમાલ! જાણો

સીઆર પાટીલે 26 બેઠકો પર 5 લાખની લીડનો બતાવ્યો મંત્ર, કહ્યું-આ રીતે કરાશે કમાલ! જાણો

સીઆર પાટીલે 26 બેઠકો પર 5 લાખની લીડનો બતાવ્યો મંત્ર, કહ્યું-આ રીતે કરાશે કમાલ! જાણો

ગુજરાત પ્રદેશ ભાજપ પ્રમુખ સીઆર પાટીલ રવિવારે બૂથ પ્રમુખ સંમેલનને સંબોધવા માટે અરવલ્લી જિલ્લાના મોડાસામાં પહોંચ્યા હતા. જ્યાં બૂથ સંમેલનમાં બૂથ સમિતિઓ અને પાર્ટીના હોદ્દેદારોને સંબોધન કર્યુ હતું. આ દરમિયાન પ્રદેશ ભાજપ અધ્યક્ષ સીઆર પાટીલે કેટલાક આગેવાનો અને ધારાસભ્યોને ટકોર કરી હતી. તો કેટલાકને ચૂંટણી ટાણે યોગ્ય રીતે કામગીરી કરવા માટે ટકોર કરી હતી.

મોડાસા શહેરમાં આવેલ સ્વામીનારાયણ મંદિરના હોલમાં સંમેલનનું આયોજન કરવામાં આવ્યું હતું. જ્યાં સંમેલનમાં સીઆર પાટીલે સૌથી પહેલા તો તમામ છવ્વીસ ઉમેદવારોની પાંચ લાખની લીડ મેળવવા માટેની વાત કરી હતી. એટલું જ નહીં તેઓએ કેવી રીતે પાંચ લાખની લીડ મેળવી શકાય એ વાતને પણ સમજાવી હતી. સીઆર પાટીલે ક્હ્યુ હતુ કે, આપડી પાસે પેજ સમિતિ છે. આ પેજ સમિતિના પ્રમુખ પણ છે અને તેના થકી આ લીડના લક્ષ્યને પહોંચવું આસાન છે.

આ રીતે મેળવી શકાય 5 લાખ લીડ-પાટીલ

સીઆર પાટીલે મોડાસામાં બૂથ સમિતિને સંબોધતા કહ્યુ હતુ કે, આપડી પાસે પેજ પ્રમુખ સહિતની સમિતિ છે. આ એક સમિતિ પાસે એક પેજમાં માત્ર 30 મતદારોના નામ છે. આ નામને આધારે તેઓએ આંકડાકીય ગણિત સમજાવ્યું હતુ. તેઓએ કહ્યુ હતુ કે, 70 ટકા મતદાન થાય તો, 21 મત એક પેજમાંથી સરેરાશના ધોરણે મળે. જેમાંથી પાંચ મત સમિતિના પોતાના મળે. જ્યારે અન્ય દશ મત તેમના પરિવાર અને ભાજપના હોદ્દેદાર કે કાર્યકર કે અન્ય પદાધિકારી તે વિસ્તારમાં રહેતા હોય અને તે યાદીમાં સમાવેશ હોય તો એમના નામ હોય. આમ 15 મત કમળને મળે. એટલે સરેરાશ મુજબ 6 મત અન્ય ઉમેદવારને મળે અને 15 મત કમળના નિશાનને મળે. કેટલાક બૂથમાં તો એનાથી પણ વધારે મળે.

આમ એક પેજમાં 9 મતની લીડ મળે છે. આમ 30 પેજના એક બૂથ પર તમને 270ની લીડ મળે છે એમ કહ્યુ હતું. જો એક વિધાનસભા વિસ્તારમાં 300 બૂથ માનવામાં આવે તો 81000 મતની લીડ મળે. આમ 7 કે 8 વિધાનસભા ક્ષેત્ર ધરાવતી લોકસભા બેઠક પર તમને 5 લાખ 67 હજાર જેટલી લીડ મળી શકે. આમ સીઆર પાટીલે બૂથ સંમેલનમાં તેમના કાર્યકરોને પાંચ લાખની લીડ મેળવવા માટેના ગણિતને સમજાવીને જીતનો જ નહીં લીડ મેળવવાનો ગુરુમંત્ર આપ્યો હતો. સાથે જ કહ્યુ કે, તમે ભજન મંડળીમાં નથી, રાજકારણમાં છો. તમારામાં જુસ્સો હોવો જોઈએ.

 

કામનો જૂસ્સો વધારવા કરી ટકોર

ભાજપના પ્રદેશ અધ્યક્ષે મોડાસા ખાતે સંબોધન વેળા ભાજપના કેટલાક આગેવાનોને ટકોર કરી હતી. એક બાદ એક પૂર્વ અને વર્તમાન ધારાસભ્યના નામ લઈને તેમના વિસ્તારમાં લીડ મેળવવા માટે ટકોર કરી હતી. ટકોર દરમિયાન એવા નેતાઓને ઉદાહરણ તરીકે ટકોર્યા હતા કે, જેમના વિસ્તારમાં લીડને લઈ સવાલો થઈ રહ્યા છે. આમ સીઆર પાટીલ સાબરકાંઠા લોકસભા બેઠક વિસ્તારમાં આવતી તમામ વિધાનસભા બેઠકનો બારીકાઈથી અભ્યાસ કરીને તેમના નેતાઓના કાર્યની સંપૂર્ણ વિગતો રાખતા હોવાનો પણ સંકેત આપ્યો હતો.

તો વળી પીએમ મોદીની 1 મે 2024 ના રોજ થનાર ચૂંટણી પ્રચાર સભાને લઈ તમામ ધારાસભ્યો અને પૂર્વ ધારાસભ્યોને આયોજન માટે જવાબદારીઓ સોંપી હતી. જેમાં ધારાસભ્ય અને સાંસદને એક એકને ઉભા કરીને આયોજન અંગે જવાબદારીની નોંધ લેવડાવી હતી. તેમના વિસ્તારમાંથી આવનારા લોકોના વ્યવસ્થા માટે પણ તેમને પૂછી લેવામાં આવ્યું હતું.

આ પણ વાંચો:  આ ગામે સમજી લીધી દરેક ટીંપાની ‘કિંમત’, મીટરના કાંટે અપાય છે પાણી, જાણો

ગુજરાતના તમામ જિલ્લાના સમાચાર વાંચવા માટે અહીં ક્લિક કરો

Related post

વોક્કાલિગા વોટ બેંક માટે પ્રજ્વલ રેવન્નાને હટાવવામાં કોંગ્રેસ સરકારે મદદ કરી: અમિત શાહ

વોક્કાલિગા વોટ બેંક માટે પ્રજ્વલ રેવન્નાને હટાવવામાં કોંગ્રેસ સરકારે…

ટીવી 9 નેટવર્ક સાથેની ખાસ વાતચીતમાં ગૃહમંત્રી અમિત શાહે વિપક્ષ પર પ્રહારો કર્યા હતા. આ દરમિયાન તેણે પ્રજ્વલ રેવન્ના કેસ પર…
જ્યાં સુધી સંસદમાં બીજેપીનો એક પણ સાંસદ છે ત્યાં સુધી અમે બંધારણમાં ફેરફાર નહીં થવા દઈએઃ અમિત શાહ

જ્યાં સુધી સંસદમાં બીજેપીનો એક પણ સાંસદ છે ત્યાં…

લોકસભા ચૂંટણીના છેલ્લા તબક્કા પહેલા દેશના ગૃહમંત્રી અમિત શાહે TV9 નેટવર્ક સાથેની એક ખાસ મુલાકાતમાં ઘણા મુદ્દાઓ પર ખુલીને વાત કરી…
23 રૂપિયાના શેરમાં જોરદાર વધારો, 2 મહિનાથી દરરોજ લાગી રહી છે અપર સર્કિટ, ભાવ 2400% વધ્યા

23 રૂપિયાના શેરમાં જોરદાર વધારો, 2 મહિનાથી દરરોજ લાગી…

પેની સ્ટોક રોયલ ઈન્ડિયા કોર્પોરેશને લાંબા ગાળામાં તેના રોકાણકારોને ઉત્તમ વળતર આપ્યું છે. છેલ્લા ત્રણ વર્ષમાં સ્ટોક 2474 ટકા વધ્યો છે.…

Leave a Reply

Your email address will not be published. Required fields are marked *