લોનધારકો માટે રાહતના સમાચાર, EMIમાં નહીં થાય કોઈ વધારો, RBIએ 6.5% રેપો રેટ યથાવત્ રાખ્યો

લોનધારકો માટે રાહતના સમાચાર, EMIમાં નહીં થાય કોઈ વધારો, RBIએ 6.5% રેપો રેટ યથાવત્ રાખ્યો

લોનધારકો માટે રાહતના સમાચાર, EMIમાં નહીં થાય કોઈ વધારો, RBIએ 6.5% રેપો રેટ યથાવત્ રાખ્યો

ભારતીય રિઝર્વ બેંકના ગવર્નર શક્તિકાંત દાસે સતત 8મી વખત વ્યાજદરમાં વધારો નહીં કરવાનો નિર્ણય લીધો છે. રિઝર્વ બેંકનું ફોકસ અત્યારે મોંઘવારીને નિયંત્રણમાં લેવા પર છે. આરબીઆઈના આ નિર્ણયથી સામાન્ય લોકોની લોનની EMI વધશે નહીં. શુક્રવારે 7 જુને નવી નાણાકીય નીતિ જાહેર કરવામાં આવી છે. દાસે સતત 8મી વખત રેપો રેટને 6.5 ટકા પર યથાવત રાખ્યો છે. આ પહેલા છેલ્લી વખત ફેબ્રુઆરી 2023માં રેપો રેટમાં 0.25 ટકાનો વધારો કરવામાં આવ્યો હતો.

વ્યાજ દરોની સમીક્ષા કરવા માટે RBI MPCની બેઠક 5 જૂનથી 7 જૂનની વચ્ચે યોજાઈ હતી, જેમાં 6 સભ્યોની MPCમાંથી 4 MPC સભ્યોએ બહુમતીના આધારે વ્યાજ દરોમાં ફેરફાર ન કરવાનો નિર્ણય લીધો હતો. જોકે, યુરોપિયન સેન્ટ્રલ બેંકે ગુરુવારે વ્યાજ દરોમાં 0.25 ટકાનો ઘટાડો કર્યો હતો. જ્યારે કેનેડાએ પણ વ્યાજ દરમાં ઘટાડો કર્યો છે.

કેવો રહેશે મોંઘવારી દર ?

RBI MPCએ પણ અંદાજિત ફુગાવાના આંકડામાં કોઈ ફેરફાર કર્યો નથી. નાણાકીય વર્ષ 2025માં રિટેલ મોંઘવારી 4.5 ટકા રહી શકે છે. જ્યારે પ્રથમ ક્વાર્ટરમાં મોંઘવારી દર 4.9 ટકા રહેવાનો અંદાજ છે. બીજા ક્વાર્ટરમાં મોંઘવારી દર 3.8 ટકા રહી શકે છે. ત્રીજા ક્વાર્ટરમાં ફુગાવાનો દર 4.6 ટકા રહી શકે છે. જ્યારે ચોથા ક્વાર્ટરમાં મોંઘવારીનો આંકડો 4.5 ટકા રહી શકે છે. આરબીઆઈ ગવર્નરના જણાવ્યા અનુસાર, ચાલુ નાણાકીય વર્ષમાં ખાદ્ય મોંઘવારી પર નજર રાખવી પડશે. SBI અનુસાર, મે મહિનામાં મોંઘવારી દર 5 ટકા રહી શકે છે.

ગ્રોથ રેટના અંદાજમાં વધારો

GDPના મોરચે RBIનું સેન્ટિમેન્ટ સકારાત્મક રહ્યું છે. RBI ગવર્નરે GDP ગ્રોથ રેટના અંદાજમાં વધારો કર્યો છે. RBI ગવર્નરના જણાવ્યા અનુસાર, નાણાકીય વર્ષ 2025માં ભારતનો વિકાસ દર 7.2 ટકા રહી શકે છે. અગાઉ આરબીઆઈ ગવર્નરે 7 ટકાનો અંદાજ મૂક્યો હતો. જ્યારે પ્રથમ ક્વાર્ટરમાં 7.3 ટકા વૃદ્ધિની અપેક્ષા છે. બીજા ક્વાર્ટરમાં આ અંદાજ 7.2 ટકા હતો. જો આપણે ત્રીજા ક્વાર્ટરની વાત કરીએ તો તે 7.3 ટકા હોઈ શકે છે.

ફેબ્રુઆરી 2023માં વ્યાજ દરમાં કરાયો હતો વધારો

મે 2022 થી ફેબ્રુઆરી 2023 સુધી વ્યાજ દરમાં વધારો કરવામાં આવ્યો હતો. રેપો રેટમાં 2.50 ટકાનો વધારો કરવામાં આવ્યો છે. જે પછી પોલિસી રેટ ઘટીને 6.50 ટકા થઈ ગયો. ત્યારપછી વ્યાજ દરોમાં કોઈ ફેરફાર થયો નથી. આનો અર્થ એ થયો કે છેલ્લી 8 મીટિંગમાં વ્યાજદરમાં કોઈ ફેરફાર થયો નથી.

સતત બે મહિનાથી મોંઘવારી દરમાં ઘટાડો

છેલ્લા બે મહિનામાં મોંઘવારીનો આંકડો 5 ટકાથી નીચે જોવા મળ્યો હતો. જ્યારે એપ્રિલ મહિનામાં મોંઘવારીનો આંકડો ઘટીને 4.83 ટકા પર આવી ગયો હતો. જ્યારે તે પહેલા માર્ચ મહિનામાં મોંઘવારીનો આંકડો 4.85 ટકા હતો. મતલબ કે મોંઘવારી નિયંત્રણમાં છે. SBI રિસર્ચના અહેવાલ મુજબ, ગ્રાહક ભાવ સૂચકાંક આધારિત ફુગાવો મે મહિનામાં 5 ટકા રહેવાનો અંદાજ છે (આ મહિનાના બીજા સપ્તાહમાં ડેટા જાહેર કરવામાં આવશે). RBIનો અંદાજ છે કે ચાલુ નાણાકીય વર્ષમાં ભારતનો ફુગાવાનો દર 4.5 ટકા રહી શકે છે.

આ પણ વાંચો: “PM મોદી અને અમિત શાહે શેરબજારને લઈને નિવેદનો કેમ કર્યા?” રાહુલ ગાંધીએ ઉઠાવ્યો સવાલ, બંને સામે તપાસની કરી માગ

 

 

 

Related post

આ સોલર કંપનીએ 2 વાર આપ્યા બોનસ શેર, રોકાણકારોને માત્ર 3 વર્ષમાં બનાવ્યા કરોડપતિ

આ સોલર કંપનીએ 2 વાર આપ્યા બોનસ શેર, રોકાણકારોને…

સોલર કંપનીના શેર માત્ર 3 વર્ષમાં 18 રૂપિયાથી વધીને 1800 રૂપિયા થઈ ગયો છે. KPI ગ્રીન એનર્જી શેરોએ છેલ્લા ત્રણ વર્ષમાં…
T20 World Cup: સુપર-8માં ટીમ ઈન્ડિયા ક્યારે અને કોની સામે ટકરાશે, વરસાદ થશે તો શું થશે? જાણો A ટુ Z વિગતો

T20 World Cup: સુપર-8માં ટીમ ઈન્ડિયા ક્યારે અને કોની…

હવે T20 વર્લ્ડ કપ 2024ના ગ્રુપ સ્ટેજમાં માત્ર 5 મેચ બાકી છે, જે 17 જૂને વેસ્ટ ઈન્ડિઝ અને અફઘાનિસ્તાન વચ્ચેની મેચ…
Health Tip: શું તમારું શુગર લેવલ પણ થઈ ગયું છે હાઈ? આ સંકેતોને ક્યારેય અવગણશો નહીં, જાણો

Health Tip: શું તમારું શુગર લેવલ પણ થઈ ગયું…

જો હાઈ બ્લડ શુગર લેવલને સમયસર ઓળખવામાં ન આવે તો તમારા સ્વાસ્થ્યને ખરાબ રીતે નુકસાન થઈ શકે છે. શું તમે હજુ…

Leave a Reply

Your email address will not be published. Required fields are marked *