ક્ષત્રિયોએ ધર્મરથના માધ્યમથી ભાજપ વિરુદ્ધ શરૂ કર્યુ અભિયાન, શક્તિપીઠ અંબાજીથી વધુ એક રથનું પ્રસ્થાન- Video

ક્ષત્રિયોએ ધર્મરથના માધ્યમથી ભાજપ વિરુદ્ધ શરૂ કર્યુ અભિયાન, શક્તિપીઠ અંબાજીથી વધુ એક રથનું પ્રસ્થાન- Video

24 કલાક રાજનીતિ કરતી અને 365 દિવસ ચૂંટણીની તૈયારી કરતી કોઈ પાર્ટી હોય તો તે ભાજપ છે. ચૂંટણીની બાબતના મેનેજમેન્ટમાં બુથ સ્તરથી લઈને ટકોરાબંધ તૈયારી માટે ભાજપ જાણીતી છે. આથી જ છેલ્લા 10 વર્ષથી દેશની દરેક ચૂંટણીમાં ભાજપનો હાથ ઉપર હોય છે. પરંતુ બરાબર લોકસભા ચૂંટણી સમયે રાજકોટમાં રૂપાલાના નિવેદન બાદ ભાજપ ગુજરાતમાં બેકફુટની સ્થિતિમાં આવી ગઈ હોય તેવી સ્થિતિ સર્જાઈ છે અને આથી જ ક્ષત્રિયોના રોષને શાંત પાડવા, ક્ષત્રિયો ચૂંટણીમાં ભાજપને નુકસાન ન કરી જાય તે માટે ભાજપે ડેમેજ કંટ્રોલ માટે કવાયત કરવી પડી રહી છે.

ક્ષત્રિયોની નારાજગીનો સૂર એટલો તો બૂલંદ થઇ ચૂક્યો છે કે હવે રૂપાલાનો વિરોધ સીધો ભાજપને ભડકે બાળી રહ્યો છે. ન માત્ર રાજકોટ પરંતુ સૌરાષ્ટ્ર સહિત ગુજરાતના ગામે ગામ ક્ષત્રિયોના વિરોધની આગની જ્વાળાઓ જોવા મળી રહી છે. સૌરાષ્ટ્રથી માંડીને દક્ષિણ ગુજરાત સુધી, ઉત્તર ગુજરાતથી માંડીને મધ્ય ગુજરાત સહિત. જ્યાં જુઓ ત્યાં જોવા મળી રહ્યો છે રાજપૂત સમાજનો રોષ, રાજકોટથી ઉઠેલી ચીનગારી હવે જ્વાળા બની ચૂકી છે, લોકસભા ચૂંટણીનો સમય છે, 26 બેઠકોનો લક્ષ્યાંક છે, ત્યારે ભાજપે નુકસાન ટાળવા અને વિરોધ ડામવા હવે ડેમેજ કંટ્રોલ શરૂ કર્યુ છે.

ક્ષત્રિય સમાજના રોષને શાંત કરવા સરકાર અને ભાજપે પ્રયાસો તેજ કર્યા છે. 14 લોકસભા બેઠકો પર હર્ષ સંઘવી અને સંગઠન મહામંત્રી રત્નાકરે પ્રવાસ કરી ક્ષત્રિય સમાજની નારાજગી દૂર કરવા સતત પ્રયાસો હાથ ધર્યા છે. હર્ષ સંઘવી અને મહામંત્રી રત્નાકરે ક્ષત્રિય સમાજના આગેવાનો સાથે બેઠક કરી છે. જેમાં ક્ષત્રિય આગેવાનો સાથે 10 મુદ્દા પર સતત કરાઈ રહી છે ચર્ચા. પરંતુ આખરે એ કયા 10 મુદ્દાઓ છે જેને થકી ક્ષત્રિય સમાજને સમજાવાના, મનાવવાના અને ગુસ્સાને શાંત કરવાના પ્રયાસ થઈ રહ્યા છે.

રૂપાલાનો વિરોધ, રણસંગ્રામમાં ધર્મરથ. રૂપાલા સામે મેદાને પડેલા ક્ષત્રિયોએ ધર્મરથની શરૂઆત કરી છે, ત્યારે શક્તિપીઠ અંબાજી ખાતેથી પણ વધુ એક રથનું પ્રસ્થાન કરાયું છે. ધર્મરથ બનાસકાંઠાના વિવિધ વિસ્તારોમાં ફરીને ભાજપ વિરૂદ્ધ પ્રચાર કરશે, મતદારોને ભાજપ વિરૂદ્ધ મત માટે જાગૃત પણ કરવામાં આવશે. અંબાજીથી પ્રસ્થાન કરાયેલા ધર્મરથ સાથે મોટી સંખ્યામાં ક્ષત્રિય સમાજના લોકો જોડાયા હતા.

દેવભૂમિ દ્વારકાના ખંભાળિયામાં પણ રાજપૂત સમાજની વાડીમાં ક્ષત્રિયોએ ભાજપને મત ન આપવા હુંકાર કર્યો. ક્ષત્રિય આગેવાનોએ જણાવ્યું કે ભાજપ ધારત તો રૂપાલાની ટિકિટ રદ કરી શકત. પરંતુ ભાજપે ટિકીટ રદ ન કરી આથી હવે અન્ય સમાજોને પણ ભાજપના વિરોધમાં મતદાન કરાવવાની અપીલ કરાશે.

આ પણ વાંચો: ક્ષત્રિયોની નારાજગીને લઈને પાટીલે આપ્યુ મોટુ નિવેદન, “રાજપૂત સમાજ રૂપાલાથી નારાજ છે ભાજપથી નહીં”- જુઓ Video

ગુજરાતના તમામ જિલ્લાના સમાચાર વાંચવા માટે અહીં ક્લિક કરો

Related post

VVS લક્ષ્મણ ટીમ ઈન્ડિયાનો હેડ કોચ કેમ નથી બનવા માંગતો? મળી ગયો જવાબ

VVS લક્ષ્મણ ટીમ ઈન્ડિયાનો હેડ કોચ કેમ નથી બનવા…

કોણ બનશે ટીમ ઈન્ડિયાના મુખ્ય કોચ? આ પોસ્ટ માટે કોણ અરજી કરશે? ભારતીય ક્રિકેટ ચાહકોને આ સવાલનો જવાબ ટૂંક સમયમાં મળી…
શાહિદ આફ્રિદીને T20 વર્લ્ડ કપનો એમ્બેસેડર બનાવ્યા બાદ પાકિસ્તાની પત્રકારે સુરેશ રૈનાને ચીડવ્યો, આપ્યો જડબાતોડ જવાબ

શાહિદ આફ્રિદીને T20 વર્લ્ડ કપનો એમ્બેસેડર બનાવ્યા બાદ પાકિસ્તાની…

T20 વર્લ્ડ કપ 2 જૂનથી શરૂ થવા જઈ રહ્યો છે અને તે પહેલા ICCએ પાકિસ્તાનના પૂર્વ કેપ્ટન શાહિદ આફ્રિદીને મોટું સન્માન…
IPLમાંથી નિવૃત્ત થતાં જ દિનેશ કાર્તિકને મળ્યા સારા સમાચાર, આ મોટી જવાબદારી સોંપવામાં આવી

IPLમાંથી નિવૃત્ત થતાં જ દિનેશ કાર્તિકને મળ્યા સારા સમાચાર,…

રોયલ ચેલેન્જર્સ બેંગલુરુની હાર સાથે દિનેશ કાર્તિકની IPL સફર પણ સમાપ્ત થઈ ગઈ છે. બંને વચ્ચે માત્ર એટલો જ તફાવત છે…

Leave a Reply

Your email address will not be published. Required fields are marked *